Յուրաքանչյուր երկիր ունի ավանդույթներն ու սովորույթները, որոնք կարող են տարօրինակ լինել օտարերկրացիների համար: Եվ Հայաստանը բացառություն չէ։ NEWS.am STYLE-ը որոշել է պարզել, թե տեղական որ ավանդույթներն են տարօրինակ կամ զվարճալի թվում մեր երկրի հյուրերին։
Համբուրվելն ու ձեռք բռնելը
«Այտին համբույրն ու թեթեւ գրկախառնությունը Հայաստանում ընկերներին ողջունելու սովորական միջոց է: Կարելի է մտածել, որ նրանք ամիսներով կամ տարիներով չեն հանդիպել, բայց միեւնույն ժամանակ հնարավոր է նրանք միասին ճաշել են նույն օրը։ Իհարկե, եթե դուք առաջին անգամ եք հանդիպում մարդուն, ապա ձեռքսեղմումը կամ պարզապես «բարեւ, ուրախ եմ ծանոթության համար», լավ է, բայց քնքշանքի պատրաստ եղեք, երբ մի փոքր ավելի լավ ճանաչեք մարդուն»: Նշվում է, որ կանայք «հաճախ բռնում են միմյանց ձեռքերը»։ «Դա նշան չէ, որ նրանք հարաբերությունների մեջ են. ուղղակի սովորական միջոց է մտերիմ ընկերների համար՝ սեր դրսեւորելու»։
Անձնական հարցեր տալը նորմալ է
Հայերը բաց են եւ կողմ են պարզ հաղորդակցությանը։ Երբեմն դա կարող է նշանակել, որ նրանք շատ անձնական տարածք չեն թողնում: «Տեղացիները նախընտրում են խոսել միմյանցից մոտ հեռավորության վրա։ Ընդունված է նաեւ անձնական ու մանրամասն հարցեր տալը։ Սա միանգամայն նորմալ պահվածք է երկրում եւ կոպիտ չի համարվում»։
Հյուր քաղցած գնացեք
«Հայերը հյուրընկալ են եւ սիրում են տանը հյուրեր ընդունել, հատկապես օտարերկրացիներին, որոնց, ամենայն հավանականությամբ, կդիմավորեն ջերմությամբ ու հնարավորինս շատ ուտելիքներով լի սեղանով: Ավելին, ձեզ «ստիպելու են» փորձել բոլոր ուտեստները։ Տան տերը կնեղանա, եթե չփորձեք սեղանի վրա դրված բոլոր ուտեստները, ուստի խորհուրդ ենք տալիս քաղցած գնալ՝ խայտառակ իրավիճակից խուսափելու համար։
Վճարում են միմյանց փոխարեն
Հայերի յուրահատկություններից մեկն այն է, որ ընկերները վճարում են միմյանց համար։ Եվ ոչ միայն սրճարաններում կամ ռեստորաններում: Մենք խոսում ենք նույնիսկ փոքր բաների մասին, օրինակ՝ ավտոբուսի տոմսի։
Հայերն այնքան հարուստ չեն, որքան իրենց արեւմտյան ընկերները, բայց եթե հայի հետ նստես սրճարանում, ամենայն հավանականությամբ քեզ թույլ չեն տա վճարել հաշիվը կամ նույնիսկ քեզ համար։ Եթե վճարեք, մեծ է հավանականությունը, որ նրանք կվիրավորվեն: Ժամադրությանը միշտ հայ տղամարդիկ են վճարում հաշիվը։
Ծնողների հետ ապրելը նորմալ է
Օտարերկրացիներին տարօրինակ է թվում, որ հայերը դեռ հասուն տարիքում շարունակում են ապրել իրենց ծնողների հետ։
«Չափահաս երեխաները շատ հաճախ ապրում են իրենց ծնողների հետ մինչեւ ամուսնությունը կամ գուցե նույնիսկ իրենց կյանքի մնացած մասը: Ծնողները սովորաբար վճարում են կրթության, ամուսնության եւ իրենց երեխաների կյանքի բոլոր այլ իրադարձությունների համար, որոնք կարող են ամբողջովին օտար լինել շատերի համար աշխարհի արեւմտյան մասում: Ավելին, եթե ինչ-որ մեկը երեխաների հետ մեկնում է Հայաստան, միանգամայն նորմալ է, որ տեղի բնակիչը ներս մտնի, երեխային նվեր ու հարցեր կտա»։
Հետևեք NEWS.am STYLE-ին Facebook-ում, Twitter-ում և Instagram-ում
19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի