• TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը  

  Ձեզ անհրաժեշտ է ընդամենը վարսակաձավար...

• Ինչո՞ւ որոշ հայտնի դիետաներ չեն աշխատում

  Ամերիկացի սննդաբան Ջոյս Պատերսոնը դիետիկ որոշ միտումներ հորինված է համարում...

• «Հրաշք ըմպելիք» նիհարելու համար՝ ընդամենը երկու հասանելի բաղադրիչներով

  Այուրվեդիկ ըմպելիքը, որը պատրաստված է քրքումից եւ կոճապղպեղից, կօգնի նիհարելուն․․․

• Նորաձեւ ինտերվալային քաղց. կողմ եւ դեմ

  Ինտերվալային քաղցը մեծ տարածում է ստանում՝ խոստանալով ցնցող արդյունքներ, առանց հատուկ ջանքերի եւ խիստ սննդակարգերի․․․

• Մեկ գդալ ձիթապտղի յուղը դատարկ ստամոքսին կօգնի բարելավել ձեր նյութափոխանակությունը

  Ձիթապտղի յուղը կոչվում է «հեղուկ ոսկի»․․․

• Ինքնակարեկցանքն օգնում է նիհարելուն

  Նրանք, ովքեր դիետայի ընթացքում որոշ թուլություններ են իրենց թույլ տալիս, հավանական է․․․

• Հայերի սիրելի սուրճը նիհարելու լավագույն «օգնականն է»

  Դիետան եւ ֆիզիկական վարժությունները միշտ ընկած են հաջող նիհարելու ռազմավարության հիմքում․․․

• Օփրա Ուինֆրիի սլացիկ կազմվածքի գաղտնիքը

  Գաղտնիք չէ, որ Օփրա Ուինֆրիի քաշը տարիների ընթացքում տատանվել է…

Բեռնաթափման օրերն անհրաժեշտ են օրգանիզմը մաքրելու համար: Իհարկե՝ նման կարճ ժամանակահատվածում նիհարել չի հաջողվի, բայց բեռնաթափման օրերի օգտակարությունն ակնհայտ է. դրանք խթանում են նյութափոխանակությունը եւ դանդաղ, բայց հաստատուն քայլերով այրում ճարպային պաշարները:

Բազմամյա պրակտիկան ցույց է տվել, որ բավական դյուրին է բեռնաթափման օր իրականացնել, քանի որ օրգանիզմն առանց որեւէ խնդրի մեկ օր դիմանում է ցածր կալորիականությամբ սնունդ օգտագործելուն: Բավական է շաբաթական 1-2 բեռնաթափման օր կազմակերպել՝ ընտրելով ձեզ համար ամենահարմար օրերը: Ամեն դեպքում, նախ հարկավոր է պարզել՝ ինչպես բեռնաթափման օր կազմակերպել, որպեսզի այն առավելագույն օգտակար լինի օրգանիզմի համար:

Բեռնաթափման օր անցկացնելու կանոնները

բացառել ցանկացած ծանրաբեռնվածություն, այդ պատճառով լավագույն տարբերակը հանգստյան օրերն են;

հարկավոր է բեռնաթափման օրվա ընթացքում խոտաբույսերից լեղազատող թուրմ խմել, քանի որ սննդակարգում սահմանափակումները հանգեցնում են լեղիի կուտակման;

այդ օրերին 2 կգ-ից ավելի բանջարեղեն չի կարելի ուտել, իսկ սպիտակուցային մթերքները չպետք է գերազանցեն 700 գրամը;

հարկավոր է ընդհանուր առմամբ 5-6 կամ ավելի անգամ սնվել, այսինքն՝ հաճախ եւ քիչ չափաբաժիններով;

բեռնաթափման օրերին անհրաժեշտ է հնարավորինս շատ հեղուկ խմել՝ 2.5-3 լիտր:

Կարեւոր է հաջորդ օրն իսկ օրգանիզմը բարձր կալորիականությամբ սննդով չծանրաբեռնել, այլ սնվել, օրինակ, թեթեւ բանջարեղենային ապուրով, վարսակի շիլայով կամ կաթային շիլայով:

Ցանկացած կին կարող է իր ճաշակին համապատասխան բեռնաթափման օրվա տարբերակ ընտրել, քանի որ դրանք բավական բազմազան են: Հիշեք, որ բեռնաթափման օրը չի նշանակում սովահարություն, այլ սննդի կալորիականության սահմանափակում, բայց հարկավոր է օգտագործել օրական 1.000 կալորիայից ոչ պակաս:

Բեռնաթափման օրերի տարբերակները

Տարածված են բեռնաթափման օրերի հետեւյալ տարբերակները.

կեֆիրով. հարկավոր է օրական 2 լիտր կեֆիր խմել;

խնձորով. հարկավոր է օրական 2 կգ-ից ոչ ավելի թարմ խնձոր ուտել;

վարունգով. ամբողջ օրվա ընթացքում հարկավոր է վարունգ ուտել կամ վարունգի հյութ խմել՝ առանց աղի եւ այլ համեմունքների;

բանջարեղենային կամ մրգային. կարելի է տարբեր մրգեր կամ բանջարեղեն ուտել (2 կգ), կարելի է նաեւ անյուղ կեֆիրով կամ ձիթապտղի ձեթով ու կիտրոնի հյութով աղցաններ, բանջարեղենային ապուր ուտել;

կաթով թեյ. այս բաղադրիչների համադրությունն արագացնում է նյութափոխանակությունը:

Կարելի է նաեւ բեռնաթափման օրեր կազմակերպել տոների նախօրեին եւ դրանցից հետո: Ձեզ անպայման կուրախացնի բեռնաթափման օրերի արդյունքը, քանի որ արդյունքում 0.5-1 կգ կկորցնեք. դա հեղուկի կորստի արդյունք է, որը հաջորդ օրը կվերադառնա: Բայց մի մտահոգվեք, բեռնաթափման օրերից հետո ձեր ստամոքսը մի քիչ կփոքրանա եւ նման օրերից հետո ավելի ու ավելի քիչ կուտեք: Բացի այդ՝ բեռնաթափման օրերը նպաստում են օրգանիզմից ավելորդ աղի եւ ջրի դուրս գալուն:

Աղբյուրը՝ dieta.ru

Հետևեք NEWS.am STYLE-ին Facebook-ում, Twitter-ում և Instagram-ում