«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Պատրաստի սնունդ եւ դիետա

16:33, 6 փետրվարի

Մենք հաճախ այնքան ենք զբաղված լինում, որ ստիպված ենք արագ սնունդ, կիսաֆաբրիկատներ եւ պատրաստի սնունդ ուտել: Բազմաթիվ զբաղված մարդիկ ուտելիք չեն պատրաստում, այդ պատճառով դիետայի հետեւելու հետ կապված դժվարություններ են ունենում: Արդյո՞ք արագ պատրաստվող դիետիկ սնունդ գոյություն ունի: Անշուշտ:

Եթե կալորիաներ եք հաշվում, ապա կալորիականության նշումով պատրաստի սնունդը թույլ կտա վստահ լինել, որ օրվա չափաբաժնին համապատասխան բավարար չափով կալորիաներ են օգտագործել: Եթե օրական կարող եք 1500 կկալ օգտագործել, ապա մեկ անգամ սնվելիս պետք է 500 կկալ օգտագործեք: Հետեւելով այս թվին՝ կարող եք ուտել՝ ինչ ուզեք: Սակայն մեծ քանակությամբ ճարպեր եւ քիչ բանջարեղեն պարունակող ուտեստները պետք է քիչ լինեն:

Պատրաստի բանջարեղեն նույնպես վաճառվում է. լվացված եւ կտրատած հազար, կաղամբ, պահածոյացված ոլոռ եւ այլն: Սառեցված բանջարեղենային խառնուրդները պետք է միայն խաշել կամ շոգեխաշել: 350 կկալ պարունակող պատրաստի ուտեստների հետ կարող եք մի կտոր հաց, թարմ լոլիկ կամ վարունգ եւ որեւէ միրգ ուտել:

Ընդունված է համարել, որ բուտերբրոդները դիետիկ չեն: Իհարկե, եթե մեծ հացը երկու մասի բաժանեք, լցնեք երշիկով, պանրով ու մայոնեզով, կարող եք գերազանցել կալորիաների, ճարպերի եւ ածխաջրերի օրական նորման: Սակայն կարելի է նաեւ միանգամայն դիետիկ բուտերբրոդ պատրաստել: Օրինակ՝ կարելի է հացի բարակ կտորով եւ անյուղ սոուսով ու հավի կամ հնդկահավի կրծքամսով բուտերբրոդ պատրաստել: Կարող եք այս ամենին ավելացնել նաեւ հազարի տերեւ, սոխ, ձիթապտուղ, լոլիկ կամ ցանկացած այլ բանջարեղեն: Հավի կամ հնդկահավի կրծքամսի փոխարեն կարող եք նաեւ մի կտոր տնական պանիր կամ խաշած ձու օգտագործել:

Լավ ելք կարող է լինել պատրաստի մսային ուտեստը՝ տանը պատրաստված խավարտի եւ բանջարեղենի համադրությամբ: Այսօր բազմաթիվ սուպերմարկետներում արդեն կտրատված, մարինացված, համեմված միս են առաջարկում: Պարզապես հարկավոր է այն թավայի մեջ դնել: Ոչ մեծ կտոր միսը շատ կալորիաներ չի պարունակում: Բայց փորձեք հաշվարկել ճարպերի պարունակությունը:

Եթե նախընտրում եք փողոցում վաճառվող սնունդը՝ պատրաստի համբուրգերներ, չեբուրեկի կամ շաուրմա, ապա ավելի դժվար կլինի ընտրություն կատարել, քանի որ դրանք բարձր կալորիականություն ունեն: Եվ հազիվ թե վաճառողը կարողանա նշել կալորիաների քանակը: Այդ դեպքում կարող եք պարզապես մոտակա խանութից չորացրած ձուկ կամ չորահաց գնել: Իսկ եթե, ամեն դեպքում, ստիպված եք մոտակա արագ սննդի կետում ուտել, ապա փոքր չափաբաժին ընտրեք, նաեւ աղանդեր, կալորիաներով հարուստ ըմպելիք եւ տապակած կարտոֆիլ մի գնեք:

Ամեն դեպքում հաճախակի եւ փոքր չափաբաժնով ուտելով՝ կարող եք խուսափել շատ ուտելուց եւ ավելորդ քաշ հավաքելուց:

 

Աղբյուրը՝ Dieta.ru


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search