• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

«Հաջողակ եմ, եթե կատարյալ եմ»

Մարդն իր բնույթով կատարյալ չէ, բայց հակված է ձգտելու կատարելության: Համաձայնեք, որ դա նույն բանը չէ: Ոչ ոք չի կարող իդեալական լինել, եւ դա նորմալ է: Իսկ դրա պատճառով դժգոհ լինելն արդեն սխալ է: Համոզմունքը, թե միայն կատարելության հասնելով է հնարավոր հասնել հաջողության, ծուղակ է:

Եկեք ազատվենք անբավարարության զգացողությունից. ինքնակատարելագործումը գործընթաց է, հաջողությունը՝ արդյունք: Պետք չէ գանգատվել նրանից, թե ինչ-որ բանի դեռ չենք հասել, ավելի լավ է սովորել ուրախանալ այն  փոքր բաներով, որ արվել են այդ ճանպարհին: Մենք լիարժեք իրավունք ունենք վայելել  լավագույնը դառնալու մեր ձգտումը: 

«Իմ ճակատագիրը որոշված է»

Համաձայնեք, հիմարություն է ենթադրել, թե  մեր հաջողությունը կանխորոշված է եւ սպասում է մեզ  միշտ եւ ցանկացած հանգամանքում: Ոչ պակաս հիմարություն է ենթադրել, թե  անհաջողությունն է կանխորոշված. «միեւնույն է, ոչինչ էլ չի ստացվի, որքան էլ որ ջանաս»: Թե մեկը, թե մյուսը  վնասակար են կյանքի համար: Մենք ենք ամեն րոպե կերտում մեր ճակատագիրը: Կյանքը ոչ միշտ է լավագույն  խաղաքարտերը մեզ առաջարկում, բայց դա առիթ չէ հուսահատվելու եւ թեւաթափ լինելու: Սեւ  փուլին անպայման հաջորդելու է սպիտակը, եւ հավատալով դրան, մենք մեզ փրկում ենք ֆատալիզմից ու  ձախողակ լինելուց:

«Միշտ» եւ «երբեք»

Համաձայնեք, միամիտ է կարծել, թե կյանքում ինչ-որ բան կարող է մշտապես լինել կամ կարող է ընդհանրապես չլինել: Ուստի բավական անհեթեթ է լսել, թե «ես միշտ այդպես եմ անում» կամ «ես երբեք այդպես չեմ վարվում»: Դա առնվազն տարօրինակ է. մենք ցանկացած պահի կարող ենք անել այն, ինչ երբեք չենք արել եւ հակառակը: Հարցը ռացիոնալության եւ ողջամտության մեջ է: Կարեւոր է  հիշել, որ սեփական վարքագիծը նման շրջանակների մեջ դնելը  ինքն իրեն խղճալու դրսեւորումներից է: Մեր ներսի անհաջողակն է մեզ ստիպում մտածել, որ մենք սեփական կյանքը կառավարելու իշխանություն  չունենք: Ավելի լավ է անտեսել նման անհեթեթ ինքնասահմանափակումները:

«Առանց գովասանքի հաջողություն չկա»

Ինչ էլ որ շրջապատը մեր մասին մտածի, ինչպես էլ որ  գնահատեն կամ չգնահատեն մեր արածը, վստահ կարելի է լինել միայն մի բանում՝ մենք հաստատ այնպիսին չենք, ինչպես նրանք մեզ ընկալում են: Բայց դա նրանց խնդիրն է: Անկասկած, երբեմն բավականին դժվար է անտեսել շրջապատի կարծիքը, բայց մենք լիարժեք իրավունք ունենք դրան ուշադրություն չդարձնելու: Ինքնահարգանքը բացառապես ներքին աշխատանք է:

«Ինչպես եղել է, այնպես էլ կլինի»

Անցյալի ձախողումները հաճախ ստիպում են չհավատալ ապագայի հաջողություններին: «Արդյո՞ք նույնը չի կրկնվի ինչպես նախորդ անգամ», «Դա մենք արդեն անցել ենք, ոչ մի լավ բան չի լինի»,- տանջում է ներքին անհաջողակը: Իհարկե, անհաջողությունները կարող են խաթարել մեր նկատմամբ հավատը, բայց  ավելի լավ է դրան մեկ ուրիշ կողմից նայել. ամեն դեպքում մենք ստացել ենք անգնահատելի փորձ, եւ բացասական արդյունքը նույնպես արդյունք է: Անհաջողությունն ընդամենը ոչ ճիշտ հաշվարկված ռիսկերի, ոչ բավարար գիտելիքների, ավելորդ շտապողականության հետեւանք է, ոչ ավելին:

Հաջողությունը սեփական վարքագծի կարծրատիպերը հաղթահարելու, նորը յուրացնելու, անսովոր բաներ անելու եւ սեփական նպատակի ուղղությամբ առաջ շարժվելու մեր ունակությունն է:

Աղբյուրը՝ Creu

Հետևեք NEWS.am STYLE-ին Facebook-ում, Twitter-ում և Instagram-ում