Վերնիսաժում միայն նորաձեւությունից է, որ խոսում են: Մեկ էլ գներից:
Նորաձեւ է կավից շինված լինելը: Դրա համար վճարում ես գոյությամբ:
Գոյություն ունենալը նորաձև է, մանավանդ՝ վերջին շրջանում: Նորաձեւ է ստեղծելը: Օրինակ՝ սուրճի բաժակներ՝ նռան պատկերներով: Նորաձեւ է աստված լինել:
Վերնիսաժում նրանք շատ են՝ հին ու նոր: Նոր աստվածներին հներից տարբերում է խանդավառությունը. նրանց անմիջապես հնարավոր է ճանաչել իրենց կավե ստեղծագործություններին նայելու ձևից: Նոր աստվածները խոսում են տարբեր լեզուներով, դուր են գալիս արտասահմանցիներին, սակարկում են նրանց հետ: Նոր աստվածները գիտեն՝ իրենցից ինչ են ուզում, ու դրա համար թույլ են տալիս սակարկել:
Արարատի գծապատկերով տետրերը հատկապես դուր են գալիս սփյուռքահայերին: Նոր աստվածները սկսել են տարբերել Լոս Անջելեսում մայրենի լեզվով խոսող հայերին նրանցից, ովքեր վաղուց անցել են տեղի լեզվին: Նոր աստվածները նրանց հետ իրենց տնավարի են պահում, ու Արարատը մի րոպեով ուսերից իջնում է:
Հա, դեռ մանկապարտեզում շտապում ենք շրջանակի մեջ առնել էդ սարը, որ ուսերներիս չլինի: Մեր մեծանալու հետ ծանրությունը ավելի է կաշկանդում, ու շրջանակները դառնում են ավելի մեծ, ավելի թանկ: Էդ ժամանակ Արարատը տանում-դնում ենք Վերնիսաժում, որ հարմար գնով ծախենք մեր կաշկանդվածությունը:
Արարատի վրա միայն մեզանից է, որ խոսում են:
Բայց կան նաեւ հին աստվածներ: Նրանց հայրերը հասցրել են տեսնել Թամանյանին, իրենք` հայրերին: Դրա համար նրանք խոցելի աստվածներ են, տխուր ու գեղեցիկ:
Նրանց մոտ ամեն ինչից բացի կարելի է տեսնել հին սեւ դրամապանակ՝ արծաթե փականով, մտածել, որ Թամար տատն էլ է դրանից ունեցել, ու ժպտալ: Հին աստվածները կնկատեն քո ժպիտը, բայց բան չեն ասի:
Այդպիսին են էդ հները. էնքան մոռացված չեն, որ նորաձեւ լինեն, էնքան լքված չեն, որ հուզեն: Գնորդների համար դժվար է հին աստվածներների հետ. չեն սակարկում, ի սրտե զրույց չեն անում: Փոխարենը՝ հեշտ է գնահատողների համար, ովքեր ոչ թե արծաթե փականով սև դրամապանակներ կամ Зенит ֆոտոապարատներ են հավաքում, այլ էն ժամանակը, որում իրենք չեն եղել:
Վերնիսաժում կեսօրին խոսում են սուրճի մասին, ու հներն ու նորերը հավաքվում են կավե բաժակների շուրջ, գովում սուրճը, ոչ թե նախշերը, դուդուկ են նվագում եւ ծիծաղում Վերնիսաժի, գների ու աստվածների մասին նորաձեւ զրույցների վրա:
Վեներա Ավետիսյան
Հետևեք NEWS.am STYLE-ին Facebook-ում, Twitter-ում և Instagram-ում
14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով