Մազերի տարատեսակ շամպունները մեզ գրավում են իրենց փաթեթավորմամբ, գեղեցիկ եւ խոստումնալից գրություններով: Սակայն քչերին է հայտնի, որ գրեթե բոլոր շամպուններում առկա են պրոպիլեն գլիկոլիում եւ նատրիումի լաուրիլսուլֆատ. երկու առավել վնասակար քիմիկատներ: Ապացուցված է, որ դրանք չորացնում են մաշկը, բացասաբար են ազդում լյարդի վրա, վնասում են աչքերը, ինչպես նաեւ վատացնում են հիշողությունը: Ամենավատն այն է, որ այս նյութերն առկա են նաեւ մանկական շամպունում: Բայց չէ՞ որ 50 տարի առաջ շամպուններն այսքան առատ չէին: Եվ կանանց մազերն ավելի գեղեցիկ էին եւ բնական փայլ ունեին: Իսկ ինչո՞վ փոխարինել շամպունը: Այս հարցով NEWS.am STYLE-ը դիմել է վարսահարդար Հասմիկ Դավթյանին:
«Իհարկե, մեր նախատատերը մազերի խնամքի այսպիսի միջոցներ չունեին, որոնք վաճառվում են այսօր: Բայց, միեւնույն է, նրանք մեզանից ավելի վատ տեսք չունեին: Ուզում եմ ներկայացնել շամպունի բնական փոխարինիչներով 2 բաղադրատոմս, որոնք հեշտությամբ կարելի է պատրաստել տանը:
1. Վերցնել 1 ճաշի գդալ մանանեխի փոշի, կեֆիրով խառնել՝ մինչեւ դառնա թթվասերանման զանգված, ավելացնել 1 ձվի դեղնուց, 1 թեյի գդալ մեղր, 1 թեյի գդալ բուսական յուղ: Ստացված զանգվածը քսել կեղտոտ մազերի ամբողջ երկարությամբ եւ գլխամաշկին, մերսել, ծածկել պոլիէթիլենի տոպրակով եւ բրդե գլխարկով: Պահել՝ որքան կարող եք դիմանալ, լավագույն դեպքում՝ 15-20 րոպե: Այնուհետեւ լվանալ: Կարելի է ցողել ջրի, քացախի եւ բույսերի թուրմի խառնուրդով: Արդյունքը՝ մազարմատների խթանում, արյան հոսք դեպի գլխամաշկ, լրացուցիչ սնուցում:
Կամ այսպիսի տարբերակ յուղոտ մազերի համար. 1 ճաշի գդալ մանանեխը բացել 2 լիտր տաք ջրում:
Գլուխը լվանալ, իսկ ցողել կարելի է խոտաբույսերի թուրմով՝ տատրակի, եղինջի, սրոհունդի, եզան լեզվի: Վերցնել 2 գդալ խառնուրդ, վրան 2 լիտր եռացրած ջուր լցնել, 30 րոպե թրմել եւ քամել:
2. Վերցրեք 4-6 կտոր սեւ հաց (կախված մազերի երկարությունից), դրեք խորը տարայի մեջ, վրան եռացրած ջուր լցրեք եւ մի գիշեր թողեք: Առավոտյան կստանաք հացային շիլա, որով էլ լվացեք գլուխը: Մազերը ցողեք քացախի եւ խոտաբույսերի թուրմի հետ խառնած ջրով: Արդյունքը՝ մաքուր եւ փայլուն մազեր:
Կամ նման բաղադրատոմս յուղոտ մազերի համար. 150 գր. տարեկանի հացի վրա եռացրած ջուր լցրեք: Շիլայով «օճառեք» գլուխը՝ թողնելով 5-10 րոպե: Այնուհետեւ ջրով խնամքով լվացեք: Գեղեցիկ փայլ հաղորդելու համար մազերը ցողեք կեչու տերեւների թուրմով:
Խոտաբույսերը վաճառվում են ցանկացած դեղատանը՝ փաթեթը 200-300 դրամով: Իհարկե, այս բաղադրատոմսերն ավելի շատ ժամանակ են պահանջում, քան պատրաստ շամպունները: Սակայն ժողովրդական միջոցներով մազերը լվանալուց հետո այդ մասին կարելի է մոռանալ նվազագույնը մեկ շաբաթ»:
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում