Ինչեր ասես, որ չեն անում հայտնիները տարբերվելու եւ հասարակության ուշադրությանն արժանանալու համար: Հանուն դրա նրանք նույնիսկ պատրաստ են կիսամերկ ներկայանալ հեղինակավոր մրցանակաբաշխությունների ժամանակ: NEWS.am STYLE-ն առաջարկում է վերհիշել տարբեր ժամանակների ամենասկանդալային աստղային look-երը, որոնք երկար ժամանակ քննարկվել են հանրության կողմից:
Քերի Ֆիշեր
Դերասանուհի Քերի Ֆիշերն այս զգեստը կրել է «Աստղային պատերազմներ» ֆիլմում, որից հետո ձեռք է բերել սեքս-խորհրդանիշի համբավ: Դերասանուհին, իհարկե, նաեւ քննադատության է արժանացել հանրության որոշ ներկայացուցիչների կողմից, որոնք մեղադրում էին նրան չափից դուրս բաց զգեստ հագնելու մեջ, քանի որ տվյալ ֆիլմը դիտում են նաեւ երեխաները:
Շեր
Այս զգեստը հայտնի հայուհին կրել է 1988 թ-ի «Օսկարի» մրցանակաբաշխության ժամանակ: Մինչ մրցանակաբաշխությունը շատերն էին քննարկում, թե ինչ զգեստով պետք է երգչուհին ներկայանա միջոցառմանը: Ի վերջո, Շերի հագուստը դարձավ «Օսկարի» պատմության ամենաքննարկված զգեստներից մեկը:
Քեյթ Մոս
Հայտնի մոդելն այս զգեստով ներկայացել էր Elite Models-ի 1993 թ-ի երեկույթին: Զգեստի հեղինակը Լիզա Բրյուսն է: Սա Մոսի ամենաքննարկվող զգեստն է: BBC-ն, անդրադառնալով Քեյթի այս կերպարին, այն անվանել է «չափազանց թափանցիկ»:
Ջենիֆեր Լոպես
Versace-ի այս զգեստով Ջենիֆեր Լոպեսը ներկայացել է «Գրեմմի 2010» մրցանակաբաշխությանը: Հատկանշկան է, որ նախկինում այս զգեստը հագել էին նաեւ մոդել Էմբեր Վալետան եւ Spice Girls խմբի երգչուհի Ջերի Հոլիվելը, սակայն զգեստը համընդհանուր քննարկման է արժանացել միայն Ջեյ Լոյի շնորհիվ:
Թոնի Բրեքսթոն
Թոնի Բրեքսթոնը Ռիչարդ Թայլերի այս սպիտակ զգեստով զարմացրել է բոլորին «Գրեմմի 2001» մրցանակաբաշխության ժամանակ: Երգչուհին բոլորի ուշադրության կենտրոնում էր իր զգեստի անսովոր բացվածքի պատճառով: Նրա զգեստի առջեւի եւ հետին փեշերը միմյանց միացված էին բարակ ժապավենով, ինչը գայթակղիչ տեսք էր հաղորդում երգչուհուն:
Լեդի Գագա
Այս look-ով Լեդի Գագան շոկի ենթարկեց հանրությանը 2010 թ-ի VMA մրցանակաբաշխության ժամանակ: Երգչուհու զգեստը պարզապես նման չէ մսակույտի. այն իսկապես պատրաստված է մսից:
Անջելինա Ջոլի
Դժվար է ասել՝ իսկապես Versace-ի այս զգեստն այդքան սկանդալայի՞ն է, թե՞ Ջոլին է իր կեցվածքով այն այդքան շատ քննարկումների արժանացրել: Այս տեսքով դերասանուհին փայլել է 2012 թ-ին: Կարմիր գորգին Ջոլին ներկայացրել է զգեստի ողջ հմայքը՝ ձախ կողմի բացվածքի արանքից ցուցադրելով իր գեղեցիկ ոտքը: Հետագայում այս դիրքով փորձել են լուսանկարվել շատ հայտնիներ:
Էմբեր Ռոուզ
Մետաղական փայլ ունեցող այս չափազանց բաց զգեստով Էմբեր Ռոուզը ներկայացել է 2014 թ-ի VMA մրցանակաբաշխությանը: Laurel DeWitt-ի զգեստը շոկի է ենթարկել բոլորին:
Ռիհանա
Սա, միանշանակ, Ռիհանայի ամենաքննարկվող զգեստներից է: Զգեստի հեղինակը Ադամ Սելմանն է, որը Elle ամսագրի հետ զրույցում բացահայտել է, որ զգեստի վրա օգտագործվել է մոտ 230 հազար բյուրեղ:
Մայլի Սայրուս
Հենց այս տեսքով էր Մայլի Սայրուսը լուսանկարվում 2015 թ-ի VMA մրցանակաբաշխության ժամանակ: Դե, իհարկե, Versace-ի այս զգեստն իր չափից դուրս սեքսուալ կոնցեպտով չէր կարող չդառնալ երաժշտական պատմության մեջ ամենաքննարկվածներից մեկը:
Աղբյուրը՝ Cosmoplitan.com
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը