Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Իմ պատմությունը. ինչպե՞ս մեկ տարում 42 կգ նիհարել կամ կյանքը զրոյից 30 տարեկանում (ֆոտո)

22:13, 26 ապրիլի

NEWS.am STYLE-ի խմբագրությունն ընթերցողներից բազմիցս նամակներ էր ստանում, ովքեր առաջարկում էին բացել նոր խորագիր, որտեղ յուրաքանչյուր ցանկացող անորոշ հասցեատերերի շրջանակին ուղղված կարճ էսսեի, նամակի միջոցով կարող է ինքնարտահայտվել, ներկայացնել կյանքի մասին փիլիսոփայական մտորումները եւ այլն:

Կայքի խմբագրությունն անսաց այդ բազմաթիվ խնդրանքներին եւ սկսեց աշխատել նոր խորագրի ստեղծման ուղղությամբ, որը որոշվեց վերնագրել «Իմ պատմությունը»: Այսուհետ ձեզանից յուրաքանչյուրը կարող է մեզ ուղարկել սեփական պատմությունը, իսկ մենք անպայման այն կտեղադրենք մեր կայքում: Ամենից պատկերավոր, հուզիչ կամ արձագանք ստացած շարադրանքը խմբագրության կողմից մրցանակ կստանա:

Նշենք, որ հեղինակներն իրենք են որոշում՝ բացահայտե՞ն իրենց անունը, թե՞ ոչ: Նախորդ պատմությունը մեծ հետաքրքրություն էր առաջացրել ընթերցողների շրջանում: Իսկ այսօր ձեր ուշադրությանը ներկայացվող պատմությունն անանուն չէ: Ավելին, դրա հեղինակը մեր խմբագրություն չի գրել: Անին, ով NEWS.am STYLE-ում վարում է նիհարողի օրագիրը, նրա հետ ծանոթացել է համացանցով եւ խնդրել ներկայացնել իր հաջողության գաղտնիքները:

«Ես նայեցի հայելու մեջ: 112 կգ էի կշռում եւ իմ կյանքը ք… էր՝ այս բառի իսկական իմաստով: Ես տգեղ, գեր աղջիկ էի: Անձնական կյանքում քաոս էր տիրում, որը գլխավորում էր Ապագա Սկեսուրս, ով մի երազանք ուներ. որ ես բեռնատարի տակ ընկնեմ: Այս ամենը հանդուրժում էի երկու պատճառով. հիմար էի, դե՝ նաեւ գեր: Ի՞նչն էր այն ժամանակ ավելի վատ, հարգելի ընթերցող, չեմ կարող ասել: Ամեն անգամ, սիրելիիս հետ հերթական վիճաբանությունից հետո, ես հպարտորեն նստում էի սառնարանի առջեւ եւ սկսում դուրս գալ սթրեսից: «Ուտելիք, դու իմ փրկությունն ես»,- մտածում էի՝ կուլ տալով սառնարանի պարունակությունը:

Սառնարան. այն ինձ համար փրկություն էր: Ամեն գիշեր այն իր հյուրընկալ դռներն էր բացում: Ես նստում էի դրա առջեւ եւ սկսում ուտել: Ուտում էի այնքան, որ ինքս էլ արդեն չէի հիշում, թե ինչից եմ սկսել: Ինքս ինձ հանգստացնում էի նրանով, որ ավելի վատ արդեն չի լինի եւ, հերթական հացի վրա մայոնեզ լցնելով՝ սկսում էի երշիկ կրծել: Արդյունքում, երեք ՕԴԶ-ի մեկամսյա պաշարն ուտելուց հետո հանգիստ գնում էի քնելու՝ ճանապարհին ինձ խոստանալով, որ վաղվանից դիետա եմ սկսելու: Քնելուց առաջ երազում էի այլ կյանքի մասին, որում ես բարետես եմ, երջանիկ եւ գեղեցիկ: Բայց դրանք միայն երազանքներ էին: Իսկ հաջորդ օրն ամեն ինչ կրկնվում էր: Եվ այսպես՝ անընդհատ:

Անկեղծ, դրանից հետո տրամադրությունս բարձրանում էր, իսկ ահա քաշիս վիճակն այնպիսին էր, որ հեշտությամբ կարող էի համալրել սումոյի Ճապոնիայի հավաքականը:

Ես նայեցի հայելու մեջ: 29 տարեկան էի: Ո՛չ անձնական կյանք, ո՛չ սեր, ո՛չ գեղեկցություն: Միայն ճարպ, ցելյուլիտ եւ փշրված երազներ: Ինքս ինձ խղճացի: Նույնիսկ աչքերս լցվեցին:

«Պատրաստվում ես արտասվե՞լ»,- քինոտ հարցրեց իմ արտացոլանքը:

«Ո՛չ»,- ծամածռվեցի ես:- «Բոլորին կապացուցեմ, որ կարող եմ անել այն ամենը, ինչ ԵՍ ցանկանում եմ»:

«Իսկ ի՞նչ ես ցանկանում»,- հարցաքննությունը շարունակեց ներքին որդը:- «Շուտով 30 տարեկան կդառնաս»:

«Ցանկանում եմ… 50 կգ նիհարել, գտնել իմ սերը, ապրել Նյու Յորքում: Ցանկանում եմ դառնալ սեքսուալ, ցանկանում եմ հայտնի լինել»,- կտրուկ ասացի ես՝ միաժամանակ քննադատաբար ուսումնասիրելով ինքս ինձ եւ մտածելով, որ, թերեւս, հոգեբույժի մոտ գնալու ժամանակն է: Ամեն դեպքում:

Հայելու մեջ արտացոլանքը փռթկաց եւ լռեց: Հոգեբույժի այցելության հարցում, կարծես, հարկավոր է շտապել: Մոռացա ասել, 5 տարի շարունակվող իմ սիրավեպն ավարտվեց ձախողմամբ. նրա մայրը հաղթեց: Անկեղծ ասած, այդ 5 տարիներն իրենցն արեցին, գումարած՝ 30 կգ եւ քայքայված նյարդային համակարգ: Այս բեռով էլ որոշեցի փոխել կյանքս: Արմատապես: Ավելացրեք նաեւ ֆինանսական խնդիրները:

Եթե անկեղծ լինեմ, կամրջից նետվելու ճիշտ ժամանակն էր: Այստեղ, իհարկե, ընտրություն կար. Կիեւյանի, Դավիթաշենի կամուրջ կամ պատերազմ: Պատերազմ ամբողջ աշխարհի դեմ:

Քանի որ կամուրջները խոստանում էին դեռեւս 50-60 տարի կանգնել, ապա ձեր խոնարհ ծառան որոշեց կամրջից նետվելն անորոշ ժամանակով հետաձգել: Եվ ճակատամարտ տալ:

Սկզբի համար որոշեցի նիհարել: Իհարկե, ես դա փորձում էի անել բոլոր 29 տարիներին: Թայլանդական, չինական հաբեր էի կուլ տալիս, Հալեպից բերված թեյ էի խմում, տարատեսակ դիետաներ էի փորձում: Արդյունքը քայքայիչ գաստրիտն էր:

Այդ օրը ուշ պառկեցի: Առավոտյան 6-ին: «Ես ամեն ինչ կփոխեմ իմ կյանքում»,- մրթմրթացի արդեն գրեթե քնած:

Այնքան էլ դյուրին չէր: Դիետա մշակեցի, եթե մանրամասները մի կողմ թողնենք, ապա հիմքում սպիտակուցներն էին: «Ո՛չ» ասացի կարտոֆիլին, մակարոնեղենին, հացին, բրնձին, խմորային ուտելիքներին: Սկսեցի ժամերով քայլել. մենակ, անձրեւի, ձյան տակ: Բաղրամյանից քայլելով իջնում էի մինչեւ Օպերա եւ հետ՝ մինչեւ մետրո Բարեկամություն: Սկզբում սարսափելի դժվար էր: Ականջակալներով երաժշտություն էի լսում, հիշում էի կյանքս ու լաց լինում: 10 օր անց շատ ավելի հեշտ էր: Հետո որոշեցի ավելի բարձր նշաձող վերցնել: Գարեգին Նժդեհի հրապարակից ոտքով հասա… Էջմիածնի վանք: 4 ժամ: Պարզապես որոշեցի ապացուցել, որ կարող եմ այդ անել: Կարող եմ անել այն ամենը, ինչ ԵՍ ցանկանամ: Ընկերներս ու ծանոթներս փորձում էին ինձ աջակցել, բայց հաճախ նրանց հայացքներում կարդում էի մի բան. ափսոս, խեղճ աղջիկը խելագարվել է:

Սկսեցի կերպարանափոխվել, կիլոգրամները պակասում էին: Բայց սա դեռ ամենը չէ. սկսեցի նորաձեւության ամսագրեր կարդալ, սովորեցի ճիշտ դիմահարդարում անել, հետեւել մարմնիս եւ դեմքիս, հագուստներ էի ընտրում վամպ եւ սեքսի ոճում, որից ընկերներս հիստերիայի մեջ էին ընկնում: Սկսեցի նայել հայելու մեջ եւ ալարկոտ, ծիծաղկոտ եւ կրքոտ հայացքներ մարզել… Սովորում էի գեղեցիկ եւ ցանկալի լինել: Սովորում էի ապրել:

Անցավ մեկ տարի եւ վեց ամիս: Քաշս 112 կգ էր, հիմա արդեն՝ 70: Գուշակեք, թե որտե՞ղ եմ ապրում: Այո՛, Նյու Յորքում: Անձնական կյա՞նքս: Ադամանդե մատանի եմ ընտրում: Սիրում եմ եւ սիրված եմ: Նա իմ երազանքի տղամարդն է, կատարում է իմ բոլոր կամակորություններն ու քմահաճույքները: Նյու Յորքի հրատարակություններից մեկն ինձ հետ բանակցում է, որպեսզի այս ամբողջ պատմությունը հրապարակի ամենայն մանրամասնությամբ: Հիմա Երեւանում եմ, շուտով վերադառնալու եմ տուն՝ Նյու Յորք… Պատրաստվում եմ զուգահեռաբար փոքրիկ ռեստորան բացել, նկարահանվել Playboy-ում: Բայց դրա համար անհրաժեշտ է եւս 20 կգ նիհարել: Ես բազմաթիվ ցանկություններ ունեմ, եւ, գիտե՞ք, հասկացա, որ մարդը կարող է ամեն ինչ, պարզապես պետք է շատ ուժգին ցանկանալ եւ ամեն ինչ կստացվի:

Պետք չէ թեւաթափ լինել, ինքներդ ձեզ խղճալու կարիք չունեք: Խղճահարությունը ոչ մի լավ բանի չի բերում: Հարկավոր է ընտրել ճանապարհն ու գնալ մինչեւ վերջ: Մի վախեցեք երազել, երազանքները միշտ իրականություն են դառնում, նույնիսկ ամենահամարձակները: Գնահատե՛ք ձեզ, աղջիկներ, եւ հավատացեք՝ ձեզ կսկսեն սիրել եւ աստվածացնել: Ամեն ինչ մեր ձեռքերում է: Մեկ անգամ եք ապրում եւ այլեւս երբեք նորից չեք ծնվելու: Այս կյանքը երջանիկ լինելու ձեր հնարավորությունն է: Ոչ ոքի մի լսեք: Միայն ինքներդ ձեզ: Դուք հրաշալի եւ ուժեղ եք, այն ամենը, ինչ ցանկանաք, ձերը կլինի: Պարզապես ցանկացեք եւ երազեք, իսկ ամենակարեւորը՝ գործեք:

Հ.Գ. Ցանկանում ես ապրել, ինչպես հեքիաթում՝ արքայադուստր դարձիր»:

 Nicole Hovnkian

 


Հետևեք NEWS.am STYLE-ին Facebook-ում, Twitter-ում և Instagram-ում







@NEWSam_STYLE

  • Արխիվ
Որոնել