«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Մադագասկար» մուլտֆիլմի մոտիվներով ներկայացում Սունդուկյանի անվան թատրոնի աշնանային թատերաշրջանում

14:26, 23 օգոստոսի

Գաբրիել Սունդուկյանի անվան Ազգային ակադեմիական պետական թատրոնի աշնանային նոր թատերաշրջանը սեպտեմբերի 14-ին բացվելու է երկու պրեմիերայով. հոլիվուդյան հայտնի «Մադագասկար» մուլտֆիլմի մոտիվներով համանուն ներկայացմամբ, ինչպես նաեւ Ուիլյամ Շեքսպիրի «Ռիչարդ Երրորդ» պիեսի բեմադրությամբ: Այս մասին օգոստոսի 23-ին կայացած մամուլի ասուլիսի ժամանակ տեղեկացրեց թատրոնի հասարակայնության հետ կապերի պատասխանատու Վահե Մովսիսյանը:

«Մեր աշնանային թատերաշրջանը մեկնարկում է սեպտեմբերի 14-ին: Ընդհանուր առմամբ, այս թատերաշրջանում շուրջ 40 բեմադրություն է ներկայացվելու… Երկու պրեմիերա ենք ունենալու. «Մադագասկարը» եւ «Ռիչարդ Երրորդը»,- նշեց Վ.Մովսիսյանը:

Նա նաեւ պատմեց, որ 40 դերասանից կազմված թատերախումբը վերջերս է վերադարձել Բաթումիի շրջագայությունից: Օգոստոսի 8-15-ն այնտեղ ներկայացրած բեմադրությունները ջերմ ընդունելություն են գտել հանդիսատեսի կողմից: «Մենք ներկայացրեցինք «Կովկասյան կավճային շրջանը» բեմադրությունը՝ Բրեխտի համանուն պիեսի հիման վրա, եւ Պերճ Զեյթունցյանի «100 տարի անց»-ը: Քանի որ թարգմանություն չունեինք, ներկայացումից առաջ հակիրճ պատմում էինք ստեղծագործության բովանդակությունը: Հանդիսատեսը ջերմ ընդունեց բեմադրությունները, հատկապես երկրորդը»,- նշեց նա:

Պ.Զեյթունցյանի պիեսում Ջեմալ փաշայի դերում պետք է հանդես գար լուսահոգի դերասան, Հայաստանի ժողովրդական արտիստ Ազատ Գասպարյանը, սակայն նրան փոխարինել է թատրոնի գլխավոր ռեժիսորը:

Մովսիսյանի խոսքով, ներկայացումներին ներկա է եղել նաեւ ՀՀ Ազգային ժողովի պատգամավոր Աշոտ Աղաբաբյանը, ով հանգստանում էր Բաթումիում: Դերասանները հանդիպել են նաեւ Վրաստանում Հայաստանի հյուպատոս Արմեն Գեւորգյանի, ինչպես նաեւ Բաթումիի հայկական Սուրբ Սարգիս եկեղեցու հոգեւոր հովվի հետ, ով ներկայացումը դիտելու է եկել իր երեք ամսեկան փոքրիկի հետ: Տեղի հայ համայնքի ներկայացուցիչները թատերախմբի հետ հանդիպման ժամանակ նշել են, որ Բաթումիում հայկական դպրոցներ չկան. գործում է միայն կիրակնօրյա դպրոցը: Այդ պատճառով մայրենիի իմացությունը տեղի հոգեւորականի ջանքերի արդյունքն է:

Բացի այդ, ըստ Վահե Մովսիսյանի, Սուրբ Սարգիս եկեղեցում հրաշալի մանկական երգչախումբ կա, որը փայլուն կատարում է Կոմիտասի ստեղծագործությունները:

Թատրոնի դերասանուհի Շողեր Գրիգորյանն իր հերթին պատմեց, որ Երեւանում, այնուհետեւ նաեւ Ֆրանսիայում ուսանելուց հետո սա թատրոնի հետ իր առաջին արտերկրյա շրջագայությունն էր:


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search