Սթրեսը օրգանիզմի պատասխան արձագանքն է գերլարվածությանը, կուտակված նեգատիվին կամ էլ պարզապես կենցաղային հոգսերին՝ պարզ ասած դրանից ոչ մեկը ապահովագրված չէ: Ներկայացնում ենք զգացմունքները վերահսկողության տակ վերցնելու ու հանգստանալու արագ միջոցներ.
Զբոսանք
Երբ լարվածությունը հասնում է գագաթնակետին, մեզանից շատերը ձգտում են մեկուսանալ եւ որեւէ տեղ գնալ՝ օդափոխվելու: Եվ շատ ճիշտ ենք անում, քանի որ սթրեսը նվազագույնի հասցնելու ու շրջապատի վրա նեգատիվը չթափելու լավագույն լուծումը հենց թարմ օդին զբոսնելն է: Սթրեսը պետք է «օդափոխել»: 10 րոպե ինտենսիվ քայլք, ու մենք արդեն թեթեւացած կզգանք մեզ: Ուշագրավ է, որ բարենպաստ հակասթրեսային ազդեցություն է թողնում ոչ միայն քայլքը, այլեւ շուրջը կատարվող իրադարձություններին կողմնակի հայացքով հետեւելը: Ամերիկյան հոգեբանները պարզել են, որ աչքերի միապաղաղ շարժումը սինխրոնիզացնում է ուղեղի երկու կիսագնդերի աշխատանքը ու այդ ձեւով հարթում նյարդային համակարգի աշխատանքը:
Չամիչ
Եթե սթրեսի պատճառը ոչ թե կոնֆլիկտը, զգացմունքային ցնցումները կամ էլ բացասական մտքերն են, այլ զուտ գերհոգնածությունը, ապա դրանից ազատվելու եւս մեկ հետաքրքիր միջոց կա՝ չամիչը: Կերեք մի բուռ չիր, ու դրանցում պարունակվող գլյուկոզան մեկ ակնթարթում ձեզ կվերադարձնի մտքի հստակությունն ու կվերացնի հոգնածությունը: Ի դեպ, անհանգիստ մտքերից ու տխրությունից ոչ միայն խաղողն է ազատում, այլեւ սեխը, չիչխանը, ինչպես նաեւ հատապտուղները:
Գրառումներ
Թուղթն, ինչպես ասում են, ամեն ինչին կդիմանա՝ եթե ընկերների կամ էլ հոգեվերլուծաբանների առաջ հրապարակային խոստովանությունը ձեր սրտով չէ, օրագիր պահելը լավագույն այլընտրանքն է: Նախ՝ դա մտքերը կարգի բերելու հրաշալի միջոց է, երկրորդ՝ օրագիրը թույլ է տալիս ավելի լավ գիտակցել կատարվածը, իրավիճակին մի տեսակ կողքից նայել, երրորդ՝ գրելով այն մասին, թե ինչն է առաջացնում մեր վրդովմունքը, մենք ամբողջ բացասական էներգիան թղթին ենք հանձնում ու ազատվում սթրեսից:
Ջուր
Ջուրը միշտ մեր օրգանիզմի վրա բուժիչ ներգործություն է թողնում՝ հանգստացնելով, մաքրելով ամբողջ բացասական էներգիան: Լարվածությունը թոթափելու համար հարմար են ջրային պրոցեդուրաների բոլոր ձեւերը՝ թե լիցքաթափող լոգանքը, թե լողավազանում լողալը, թե կոնտրաստային ցնցուղը, որը ինչպես գիտեք բուժում է ամեն ինչից՝ այդ թվում սթրեսից: Այս բուժակարգը սուր զգացողությունների հաշվին հանում է լարվածությունը: Սառը ջրից արյան մեջ էնդորֆիններ են արտազատվում, որոնք ժողովուրդը ուրախության հորմոն է անվանում: Նման պրոցեդուրայից հետո ոչ թե պարզապես տրամադրությունն է լավանում, այլ ամբողջ օրգանիզմը մոբիլիզացվում է, զգացվում է էներգիայի ներհոսք, ասես մենք նորից ծնված լինենք:
Աղբյուր՝ Elle
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը