Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Դուբայի ռեստորանները Մերձավոր Արեւելքում գլխավորել են «50 լավագույն ռեստորանների» ցանկը

22:22, 22 փետրվարի

The 50 Best Restaurants-ը հրապարակել է 2024 թվականի իր ցուցակը Մերձավոր Արեւելքի եւ Հյուսիսային Աֆրիկայի համար (MENA), իսկ վարկանիշում գերիշխում է քաղաքներից մեկը: Զարմանալի չէ, որ խոսքը Դուբայի մասին է։

Դուբայը լավագույն 50-յակում ունի 18 ռեստորան, իսկ երկրորդ տեղում են Ամմանը, Կահիրեն եւ Թել Ավիվը՝ 5-ական, այնուհետեւ Մարաքեշն ու Բեյրութը՝ 3-ական ռեստորաններով: Ցանկը, որի օգտին քվեարկել են ողջ տարածաշրջանից սննդի եւ խմիչքների ոլորտի ավելի քան 250 փորձագետներ, ներառում են տարածաշրջանի 14 քաղաքների ռեստորանները:

Orfali Bros Bistro-ն երկրորդ տարին անընդմեջ նվաճել է լավագույն տիտղոսը: Այն բացվել է 2021 թվականին երեք եղբայրների՝ Մուհամեդի, Վասիմի եւ Օմարի կողմից, եւ խորհրդանշում է նրանց սիրիական ժառանգությունը՝ ներառելով Դուբայի բազմաթիվ արտագաղթած բնակիչների միջազգային ազդեցությունները:

«Մենք շատ ուրախ ենք եւ պատիվ ենք համարում այս մրցանակը»,-​CNN-ին ասել է Մոհամմադ Օրֆալին՝ հավելելով, որ ռեստորանի ճաշացանկը ներկայացնում է «Դուբայի համայնքը եւ այստեղի մարդկանց բազմազանությունը»:

Մամլո հայտարարության մեջ Ուիլյամ Դրյուն՝ Մերձավոր Արեւելքի եւ Հյուսիսային Աֆրիկայի 50 լավագույն ռեստորանների բովանդակության տնօրենը, գովաբանել է Orfali Bros Bistro-ն՝ իր «ստեղծարարության, նորարարության եւ սննդի ներկայացման համար, որը համալրված է սպասարկման անհատական ոճով»:

Դուբայի մյուս ռեստորանները լավագույն տասնյակում են՝ Trèsind Studio (ընտիր ճաշարանային ռեստորան, որը մասնագիտանում է հնդկական խոհանոցի փորձարկումների վրա), Ossiano (հայտնի ծովամթերքի ռեստորան՝ Atlantis-ում), Moonrise (ճապոնական եւ մերձավորարեւելյան հարմարավետ ռեստորան) եւ 3Fils (հայտնի է իր ասիական ֆյուժն խոհանոցի եւ ծովամթերքի ուղղվածություններով):

Այն պահից, ինչ «50 Best»-ը սկսել է իր MENA ցուցակը, Դուբայի ռեստորաններ այցելող հյուրերի տեսակը փոխվել է, ասում է Գրեգուար Բերգերը՝ Ossiano-ի խոհարարը, որը ճանաչվել է տարածաշրջանի երրորդ լավագույն ռեստորանը:

Դուբայի ռեստորանային լանդշաֆտը կտրուկ փոխվել այն բանից հետո, երբ Բերգերը 2014 թվականին սկսել է աշխատել Ossiano-ում:

Բերգերն այժմ նկատում է ավելի շատ միջազգային այցելուների, ովքեր գալիս են Դուբայ՝ «բացահայտելու նոր խոհարարական միտումները» եւ «գտնելու բաներ, որոնք վստահ եմ, որ այլ տեղ չեք գտնի»:

Դուբայից երեք նոր ռեստորան ընդգրկվել են ցուցակում՝ Bait Maryam-ը, որի շեֆ-խոհարար Սալամ Դակակն այցելուներին ծանոթացնում է տնական պաղեստինյան խոհանոցին,  21 Grams-ը՝ ռեստորան եւ հացաբուլկեղեն, որը մատուցում է բալկանյան խոհանոց, եւ Row on 45 ռեստորանը, որը ղեկավարում է հայտնի խոհարար Ջեյսոն Աթերթոնը:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել