• Երբևէ ասե՞լ եք «Ես քեզ սիրում եմ»՝ իրականում այդպես չզգալով

  Ո՞վ եք դուք, երբ ոչ ոք չի նայում...

• Բանջարեղենային դիետան կօգնի կանանց հաղթահարել նախադաշտանային սինդրոմը

  Գիտնականները պարզել են․․․

• Ատամների խնամք. լնդերի մերսում

  Գեղեցիկ ժպիտը շատ դեպքերում ունակ է թեթեւացնել մեր կյանքը. ժպտացող մարդիկ վստահություն են ներշնչում…

• Դիմակ «հինգրորդ կետի» խնամքի համար

  Գոյություն ունեն կանացի մարմնի տարբեր մասերի խնամքի բազմաթիվ միջոցներ…

• Մեղրով դիետա

  Տվյալ դիետայի հիմնական առանձնահատկությունն այն է, որ օրական երեք անգամ (նախաճաշ, ճաշ ու ընթրիք) անհրաժեշտ է մեկական գդալ մեղր ուտել...

• 8 beauty-խորհուրդ. շքեղ տեսք՝ առանց ավելորդ գնումների

  Կոկոսի յուղը ոչ միայն հրաշալիորեն խոնավեցնում է մաշկը, այլեւ գերմիջոց է ճյուղավորվող մազերի դեմ…

• Որոնք են ամենավնասակար ալկոհոլային խմիչքները

  Ամերիկյան գիտնականները նշել են ամենավնասակար 5 ալկոհոլային խմիչքները, որոնց օգտագործումը վատ հետեւանքներ է առաջացնում…

• Զարմանալի երեւույթներ, որոնք տեղի է ունենում մարդու հետ քնած ժամանակ

  Տեղեկությունների ծավալը, որ ուղեղն ամեն օր կլանում է, անսպառ է...

Ձմեռը տարվա հրաշալի եղանակ է. ոչ տոթ է, ոչ էլ՝ շոգ։ Ամանորն էլ մոտենում է, ձյուն, ուղեւորություն դեպի Ծաղկաձոր, ձնեմարդ… ամեն ինչ շատ ռոմանտիկ է։ Սակայն ձմեռային ուրախության հաճույքը կարող են փչացնել ձմռանն ի հայտ եկող մաշկի խնդիրները։ Թե ինչպես ցրտին առողջ մաշկ ունենալ,  NEWS.am STYLE –ի թղթակցին պատմեց Maravilla գեղեցկության սրահի կոսմետոլոգ-էսթետիստ, դիմահարդար Մեսրոպյան Թերեզան։

«Ցրտի ժամանակ քայքայվում է մաշկի պաշտպանական շերտը, եւ եթե պատշաճ կերպով չխնամել մաշկը, այն շրջակա միջավայրի ագրեսիային չի դիմանա՝ կչորանա, կբորբոքվի ու կկարմրի։ Դրան նպաստում է նաեւ շրջակա միջավայրի ջերմաստիճանի անընդհատ տատանումը, քանի որ ձմռանը հաճախ ենք սառնամանիքից տաք տեղափոխվում եւ հակառակը։ Այսպիսի արտաքին ազդեցությունների հետեւանքով մաշկը կորցնում է դիմադրողականությունն ու առողջ տեսքը։

Ձմեռային սթրեսներին դիմակայելու համար մաշկը պետք է ակտիվորեն խնամել։ Շատ կարեւոր է ձմռանը մաշկի մաքրումը. լվացվեք տաք ջրով ու մաշկին համապատասխան միջոցներով՝ մաքրող նյութեր, փրփուր եւ այլն։

Երկրորդ, մաշկը պետք է ակտիվորեն սնել, քանի որ ցրտերի պատճառով այն չորանում ու թեփոտվում է։ Սնուցման միջոցները պետք է փափուկ լինեն, պարունակեն վիտամիններ ու անտիօքսիդանտներ։ Նույնիսկ յուղոտ մաշկին սնուցում է պետք, պարզապես՝ ավելի քիչ յուղոտ, քան մյուս տիպի մաշկերի սնուցումը։ Ուշադրություն դարձրեք ամանի «յուղոտ մաշկի համար» գրությանը։

Երրորդ, մաշկը պետք է խոնավեցնել։ Ձմռանն օդը շատ է չորանում, իսկ սառը քամին անխնա կերպով չորացնում է նաեւ մաշկը։ Սակայն չի կարելի մաշկին խոնավեցնող քսուք քսել անմիջապես դուրս գալուց առաջ։ Նման միջոցները մաշկին խոնավություն են հաղորդում, սակայն սառնամանիքին բորբոքում են։ Բայց խոնավեցնող միջոցի վրայից տոնային քսուք օգտագործելով, նույնպես կպաշտպանեք մաշկը։ Ընդհանրապես խորհուրդ կտայի ձմռանը տոնային քսուք օգտագործել անկախ մաշկի տեսակից. այն ձմռանը շատ անհրաժեշտ լրացուցիչ պաշտպանիչ շերտ է առաջացնում։

Իսկ 35 – ից 40 տարեկան կանանց խորհուրդ կտայի օգտագործել նաեւ մաշկի խնամքի գիշերային միջոցներ։ Դրանք ավելի կխոնավեցնեն, կսնուցեն ու կառոջացնեն ձեր մաշկը՝ պաշտպանելով ցրտի բացասական ազդեցությունից»։

Գրի առավ Անահիտ Գրիգորյանը/NEWS.am STYLE

Հետևեք NEWS.am STYLE-ին Facebook-ում, Twitter-ում և Instagram-ում