• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

2013 թվականին ֆիլմերի ստեղծման վարպետներ Սթիվեն Սփիլբերգը ու Ջորջ Լուկասը հայտարարեցին, որ ապագայում ֆիլմերն իրենց տեղը կզիջեն սերիալներին, իսկ կինոթատրոնների տոմսերի գները կաճեն՝ հասնելով 150 դոլարի: Մարդիկ կսկսեն հաճախել կինոթատրոններ, ինչպես ժամանակին Բրոդվեյի մյուզիքլների էին հաճախում:

Ի՞նչ ենք մենք տեսնում 5 տարի անց: Որքանո՞վ էին ճիշտ վարպետները իրենց մեկնաբանություններում:

Իհարկե, կինոթատրոնների տոմսերի արժեքը 150 դոլար չէ, բայց, այնուամենայնիվ, գնային աճը նկատելի է: Մենք հեշտությամբ ներբեռնում ենք ֆիլմեր, դիտում ենք դրանք տարբեր գաջեթներով: Վերջերս հատկապես շատ են դիտվում զանազան սերիալները: Իսկ ո՞րն է դրա պատճառը:

Վերջին 10 տարիների ընթացքում սերիալները որակական աճ գրանցելուց բացի, նաեւ դարձել են ավելի հասանելի ու դուրս են եկել «Սանտա Բարբարա» կատեգորիայից:



Ամեն բան սկսվեց «Հերոսները», «Փախուստ բանտից», «Դոկտոր Հաուս» եւ «Կորուսյալները» սերիալների գրեթե միաժամանակ էկրան բարձրանալուց:

Այդ սերիալները ապացուցեցին, որ բավարար ֆինանսավորմամբ, գրագետ մտածված սյուժեով, դերասանական փայլուն խաղով հնարավոր է գրավել հանդիսատեսի սիրտը: Իսկ այդ ընթացքում ի՞նչ հունով էր ընթանում ֆիլմարտադրությունը:

Հնարավոր չէ գոնե մեկ ֆիլմի անուն տալ, որը վերջին 15 տարիների ընթացքում է արտադրվել ու որն, իսկապես, կարելի է գլուխգործոց անվանել կամ դասել այնպիսի ֆիլմերի շարքին, ինչպես, օրինակ, «ֆորեստ Գամփը», որը բնավ 100-200 մլն. դոլար արժողությամբ բլոկբաստեր չէ:



Կան ֆիլմեր, որոնք իրենց ժանրի մեջ կարելի է համարձակորեն անվանել նորարարական: Օրինակ՝ Քրիստոֆեր Նոլանի՝ Բեթմենի մասին պատմող եռագրությունը, որը ցույց տվեց, որ կոմիքսային հերոսները կարող են բավականին հետաքրքիր, դրամատիկ լինել: Այդ հերոսները դուրս եկան երեխաների համար նախատեսված նկարազարդ էջերից: Այդ եռագրությունն, իհարկե, իրեն ապահովագրեց, բայց այդպիսի օրինակներ գտնելը բավականին բարդ է:

Դիտարկենք անցած 5 տարիներն ու գալիք 5 տարիները. Ի՞նչ է մեզ սպասվում: Թերեւս, արդեն իսկ համբավ ունեցող ֆիլմերի շարունակություններ կամ հաջողություն գրանցած գրքերի էկրանավորումներ: Իսկ որ ավելի վատ է՝ «Աստղային պատերազմների» անհաջող շարունակություններ՝ պրիկվելներով, սիքվելներով ու սփին-օֆերով: Կամ կթողարկվի «Ֆորսաժ» 9-րդ մասը  ու Հարրի Փոթերի պատմության վրա հիմնված՝ Նյուտ Սկամանդերի առանձին պատմությունը:

Խոսքը արդեն ապահովագրված բրենդների մասին է, քանի որ մեր օրերում ֆիլմարտադրողները չունեն ֆիլմը արվեստի գործ դարձնելու մտադրություն: Միակ նպատակը տվյալ ֆիմի միջոցով որքան հնարավոր է շատ գումար վաստակելն է: Կոպիտ ասած՝ 2 ժամ տեւողությամբ ֆիլմը, որի բյուջեն կազմում է 200 մլն. դոլար, ընդամենը երկարատեւ գովազդային հոլովակ է:



Սեփական ստեղծագործության հանդեպ նման վերաբերմունքը, կարելի է ասել, հանգեցնում է որոշ բլոկբաստերների՝ աղմուկով երեւան գալուն: Օրինակ՝

«Արթուր արքայի սուրը», 2017 թվական ,Warner Bros., բյուջեն՝175 մլն., հավաքել է 148 մլն.

«Ապագայի հողը», 2015 թվական, Walt Disney Pictures, բյուջեն՝ 190 մլն., հավաքել է 209 մլն.

«47 ռոնին», 2013 թվական, Universal Pictures, բյուջեն՝ 175 մլն., հավաքել է 149 մլն.

«Միայնակ ռենջերը», 2013 թվական, Walt Disney Pictures, բյուջեն՝ 215 մլն., հավաքել է 260 մլն.

«Ջոն Կարտեր», 2012 թվական, Walt Disney Pictures, բյուջեն՝ 250 մլն., հավաքել է 284 մլն.

«Հան Սոլո. Աստղային պատերազմներ. պատմություն», 2018 թվական,  Walt Disney Pictures, բյուջեն՝ 300 մլն., հավաքել է 388 մլն.



Նշենք, որ ֆիլմերը առնվազն պետք է հավաքեն իրենց բյուջեի կրկնակին, որպեսզի տուժողի դերում չլինեն:

Ֆիլմերի անկման եւս մեկ պատճառ կա՝ կինոթատրոնների այցելությունների կրճատումը: Պարադոքսային է այն, որ կինոթատրոնների թիվն ավելանում է, իսկ հաճախորդներինը՝ պակասում: Օրինակ՝ ԱՄՆ-ում կինոթատրոնի այցելուների թիվը կտրուկ նվազել է. չի հաջողվել գերազանցել 2004 թվականի ռեկորդը, ըստ որի, այցելուները 1.5 մլն էին:

Հիմա վերադառնանք նրան, ինչից սկսել էինք:

2013 թվականին ֆիլմերի ստեղծման վարպետներ Սթիվեն Սփիլբերգը ու Ջորջ Լուկասը հայտարարեցին, որ ապագայում ֆիլմերն իրենց տեղը կզիջեն սերիալներին, իսկ մարդիկ կսկսեն հաճախել կինոթատրոններ՝ բավականին թանկարժեք տոմսերով՝ Բրոդվեյի մյուզիքլների նմանությամբ:

Իսկ թե ինչ է դրան պատասխանում սերիալների աշխարհը, կպատմենք հաջորդ անգամ:



                                                                                Պատրաստեց Նորայր Նազարյանը

Հետևեք NEWS.am STYLE-ին Facebook-ում, Twitter-ում և Instagram-ում