• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Իննա Խոջամիրյանը, Սոս Ջանիբեկյանը եւ հայկական շոուբիզնեսի հայտնիները՝ «Սիրելի Սահմի»-ի եզրափակիչ սերիաների փակ նախադիտմանը (VIDEO)

  Անցյալից եկած երիտասարդի ու ժամանակակից աշխարհում ապրող ուժեղ աղջկա փխրուն սիրո պատմությունը կարճ ժամանակում գրավեց հայ հեռուստադիտողի ուշադրությունը…

• «Երկարատեւ դադարից հետո ես իմ մեջ ուժ գտա․․․». Երեւանում կայացավ Տիգրան Նալչաջյանի «Կատարյալ ապուշը» ֆիլմի պրեմիերան (ֆոտո)

  Ինչպիսի՞ն է աշխարհը, երբ նայում ես դրան բարի աչքերով, եւ ինչպե՞ս է ընկալվում ամենապարզ մտածելակերպով ու բարի մարդը, երբ տարբերվում է մյուսներից․․․

• Կոպենհագենի վավերագրական ֆիլմերի միջազգային փառատոնում կկայանա Ալեքսիս Պազումյանի «Սեւ այգի» ֆիլմի պրեմիերան

  Ֆրանսահայ լուսանկարիչ եւ ռեժիսոր Ալեքսիս Պազումյանի «Սեւ այգի» վավերագրական ֆիլմի համաշխարհային պրեմիերան տեղի կունենա Կոպենհագենի վավերագրական ֆիլմերի միջազգային փառատոնի շրջանակում․․․

• «Տեղեր կան` այնքան նման ենք, որ հուզվում եմ, նույնիսկ, նայելիս»․ Իննա Խոջամիրյանը՝ «Սիրելի Սահմիի», հերոսուհու եւ Սոս Ջանիբեկյանի հետ աշխատանքի մասին (ֆոտո)

  «Սիրելի Սահմի» 10 մասանոց հեռուստասերիալն արդեն մեկնարկել է «ATV»-ի եթերում ու կարճ ժամանակում դարձել սիրելի...

Այսօր՝ սեպտեմբերի 7-ից, հայ հեռուստադիտողը կինոթատրոններում հնարավորություն կունենա դիտելու ռեժիսոր Արամիս Տատուի «Հեքիաթահարված» ֆիլմը, որի գլխավոր դերերում հանդես են գալիս Էմիլ Գալստյանն ու Ադրիանա Գալստյանը: Ֆիլմի պրեմիերան, որին ներկա էին ամբողջ ստեղծագործական խումբն ու դերասանական կազմը, կայացավ երեկ՝ սեպտեմբերի 6-ին: NEWS.am STYLE-ը եւս ներկա է եղել պրեմիերային եւ զրուցել դերասանական կազմի ու ռեժիսորի հետ:

«Հեքիաթահարվածը» ռոմանտիկ կատակերգություն է՝ համեմված ֆանտաստիկ էլեմենտներով: Ֆիլմի գլխավոր հերոսը Հրայրն է, որն իր զարմիկներին հեքիաթներ է պատմում, իսկ հետո այդ հեքիաթները իրականություն են դառնում: Կատակերգության մեջ ֆիլմասերները կհանդիպեն տարբեր հերոսների, այդ թվում՝ վիշապի եւ ջրահարսի: Այս ժանրի ֆիլմերը հայկական կինոարտադրության մեջ, գրեթե, բացակայում են, սակայն ռեժիսոր Արամիս Տատուի խոսքով՝ նա հատուկ էֆեկտների տեսարանների շուրջ սիրով է աշխատել, քանի որ մասնագիտացել է հենց այդ ոլորտում: Ռեժիսորը նշեց, որ նկարահանման ընթացքում դժվարությունները շատ չեն եղել, իսկ ֆիլմի ստեղծման հարցում իրեն ոգեշնչել է հենց դերասանական կազմը:

«Սկզբում չէի ցանկանում նկարահանել այս ֆիլմը, սակայն դերասանների հետ շփվելուց հետո ոգեշնչվեցի ու նկարահանեցի այն: Ինձ համար շատ հաճելի էր, որ դերասանների շնորհիվ ֆիլմը ստացվեց: Ամեն ինչ ինքնըստինքյան եղավ»,-խոստովանում է նա:

Հումորային ֆիլմերից հայտնի դերասան Էմիլ Գալստյանին այս ֆիլմում հանդիսատեսը կտեսնի մի փոքր այլ՝ գլխավոր հերոսի կերպարում: Էմիլը խոստովանեց, որ իր համար եւս այդ դերը հաճելի փոփոխություն էր իր կերպարների շարքում.

«Ինձ համար այս կերպարը պրեմիերա էր, քանի որ ինձ հանդիսատեսը միշտ այլ կերպարներում է տեսել, դրա համար էլ այս առաջարկն ինձ ոգեւորեց: Դերասանը պետք է բազմաժանր լինի: Կարծում եմ՝ ստացված կերպար է, որն առավել երեխաների համար սիրելի հերոս է: Հուսով եմ՝ կկարողանամ որոշ չափով նրանց փոխանցել այդ կերպարային գիծը»,-նշեց դերասանը:

Ադրիանա Գալստյանի համար սա առաջին գլխավոր դերն էր: Դերասանուհին ֆիլմում մարմնավորում է Ադրիանա անունով հերոսուհուն, որին սիրահարված է Հրայրը: Ֆիլմում Ադրիանան խոսում է արեւմտահայերենով.

«Սա արդեն երկրորդ նախագիծն է, որում հենց իմ անունով եմ ներկայանում: Հերոսուհիս հասարակ ու զուսպ աղջիկ է: Ինչ վերաբերում է խաղընկերոջս՝ Էմիլի հետ շատ հեշտ էր խաղալը: Մեծ բավականություն էի ստանում նրա հետ խաղից, քանի որ նկարահանման հրապարակում հումորն անպակաս էր: Այս ֆիլմում միմյանց են բախվում իրականությունն ու ֆանտաստիկան, ինչը կարծում եմ՝ հետաքրքիր կլինի հանդիսատեսի համար»,-նշեց դերասանուհին:

Ադրիանայի եւ Էմիլի կերպարներից բացի՝ ֆիլմում աչքի ընկան նաեւ Արսեն Գրիգորյանի, Ռաֆայել Երանոսյանի, Արթուր Հակոբյանի եւ Անահիտ Կիրակոսյանի հերոսները:

Լրագրողների հետ զրույցում Ռաֆայելը խոստովանեց, որ միշտ երազել է ֆանտաստիկ դերով հանդես գալ:

«Շատ հետաքրքիր կերպար էր, իսկ Արամի հետ առաջին անգամ էի աշխատում, ծանոթացել ենք նկարահանման ընթացքում: Հետաքրքիր էր նրա հետ համագործակցելը, քանի որ նա այնպես էր աշխատում, ինչպես դա անում են Եվրոպայում, լրիվ նոր մոտեցում էր նկարահանման հրապարակում»:

Անահիտ Կիրակոսյանն էլ ֆիլմում մարմնավորում է գլխավոր հերոսի՝ Հրայրի քրոջ կերպարը, որն աչքի է ընկնում առանձնահատուկ խստությամբ:

«Կերպարս շատ խիստ է: Ինչպես միշտ՝ այնպիսի կերպար է, որն ինձ հետ ոչ մի ընդհանրություն չունի:) Բայց փորձել եմ ստանալ այդ խստությունը: Ինձ համար կերպարը հետաքրքիր էր, քանի որ մինչ օրս նման հերոսուհու չէի մարմնավորել: Հետաքրքիր էր աշխատել Արամի հետ, քանի որ շատ յուրահատուկ ոճ ունի: Միայն այն, որ ֆիլմը ուղիղ մեկ տարի մոնտաժվել է, ամեն ինչ ասում է այն մասին, թե որքան պրոֆեսիոնալիզմով է թիմն աշխատել ստեղծման շուրջ»,-եզրափակեց դերասանուհին:

Ի դեպ, NEWS.am STYLE-ի հետ նախորդ զրույցի ընթացքում ռեժիսորը չէր բացառել, որ միգուցե հետագայում ստեղծվի նաեւ ֆիլմի երկրորդ մասը: Իսկ մինչ այդ առաջարկում ենք դիտել մեր տեսանյութն ու ֆոտոշարքը՝ ֆիլմի պրեմիերայից:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում