• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• Իտալական ռեստորանը մեկ շիշ անվճար գինի է առաջարկում այն հաճախորդներին, ովքեր հրաժարվում են իրենց բջջային հեռախոսներից

  Իտալական ռեստորանը մեկ շիշ անվճար գինի է առաջարկում հաճախորդներին, ովքեր ճաշի ժամանակ հրաժարվում են բջջային հեռախոսներից…

• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

Աշխարհահռչակ դելիկատես Փասթրամի սենդվիչ այսուհետ կարող եք վայելել նաեւ Երեւանում:

Հունիսի 6-ին Երեւանի կենտրոնում՝ Թումանյան 38 հասցեում, բացվեց «PASTRAMI» սենդվիչ եւ բուրգեր արագ սննդի ռեստորանը, որը տարբերվում է հաճախորդներին առաջարկվող յուրահատուկ ուտեստների ցանկով, ինքնասպասարկման սկզբունքով եւ ժամանակակից դիզայնով: «PASTRAMI»-ում առաջարկում են ամերիկյան հայտնի ուտեստներ փասթրամի սենդվիչ եւ փուլդ փորք բուրգեր:

Բացման արարողության ժամանակ հյուրերին հյուրասիրվեց մինի փասթրամի սենդվիչներ եւ փուլդ փորք բուրգերներ, իսկ երեկոյի բարձր տրամադրությունն ապահովեց բոլորի կողմից շատ սիրված D.J. Güevo-ն:

Զրուցեցինք նախագծի հիմնադիր Հակոբ Բադալյանի հետ, ով մանրամասն պատմեց «PASTRAMI»-ում մատուցվող երկու գլխավոր ուտեստներից: Փասթրամի սենդվիչը պատրաստվում է բարձրակարգ անգուս տեսակի տավարի մսից, որը հնեցվում է 14 օր, 10 եւ ավել տարբեր համեմունքներով, այնուհետեւ անցնում է դանդաղ եւ երկար բնական ծխեցում եւ, ի վերջո, հատուկ տեխնոլոգիայով եփվելով եւս 3 օր հասցվում է վերջնական պատրաստի տեսքի: Այսքան երկար ճանապարհ անցնելուց հետո հաճախորդները կարող են վայելել այս դելիկատես ուտեստը սենդվիչի տեսքով պատվերը տալուց առավելագույնը 5 րոպեների ընթացքում: Հատկանշականն այն է, որ այս սենդվիչը չի կարելի համարել ոչ առողջ սնունդ, քանի որ միսն աղացած չէ, տապակված չէ ձեթում, այլ եփվում է նորագույն տեխնոլոգիայով այնպես, որ միսը պահպանում է իր բոլոր առողջարար հատկությունները: «Երկու տարի աշխատել եմ այս միսը ստանալու ուղղությամբ: Ինձ համար այն վերածվել էր հոբբիի: Տարբեր երկրներ եմ այցելել հատուկ փասթրամի փորձելու եւ մսի պատրաստման գաղտնիքները բացահայտելու համար: Ամենակարեւորը, ի վերջո ստացել եմ այն արդյունքը, որին ձգտում էի, մնում է հաճախորդները փորձեն եւ գնահատեն: Այնուամենայնիվ, արդեն ստացել եմ շատ կարեւոր արձագանքներ անմիջապես Նյու Յորքում մատուցվող փասթրամի սենդվիչների սիրահարներից, կարծիքներն ավելի քան ոգեւորող էին ինձ համար», - ասաց Հակոբ Բադալյանը:

«PASTRAMI»-ում մատուցվող փուլդ փորք բուրգերը շատ տարածված է ԱՄՆ-ում: Այս բուրգերի հիմքը խոզի թիակի հատվածի միսն է, որը նույնպես անցել է բնական ծխեցում եւ հատուկ տեխնոլոգիայով եփվել այնքան, մինչև միսը դարձել է չափազանց փափուկ: Ինչպես փասթրամի սենդվիչն, այնպես էլ փուլդ փորքը կարող է լիարժեք դասվել առողջ սննդի շարքում, քանի որ միսը պատրաստվում է նույն տեխնոլոգիայով: «PASTRAMI»-ում հավի միս նախընտրողների համար առաջարկում են նաեւ փուլդ չիքեն բուրգեր: Ռեստորանում առաջարկում են նաեւ այլ բուրգերներ եւ սենդվիչներ ինչպես բուսակերների, այնպես էլ այլ համային նախասիրություն ունեցողների համար:

Հետևեք NEWS.am STYLE-ին Facebook-ում, Twitter-ում և Instagram-ում