• Wine Story. Գինու և կինոյի երեկո. ֆիլմի ժանրին համապատասխան խմիչքի ընտրություն

  Ի վերջո, որքան հաճելի է վայելել  յուրաքանչյուր կադրը՝ գինու ծածկույթի տակ, որը կընդգծի զգացմունքները և կհարստացնի դիտման փորձը: Եկեք պարզենք, թե որ գինիներն են իդեալական տարբեր ֆիլմերի ժանրերի համար և ինչպես ստեղծել համեղ հույզերով և հուզիչ պատմություններով լի երեկո...

• Վիրտուոզ ջութակահար Արա Մալիկյանը համերգով կվերադառնա Երեւան

  Լիբանանահայ ջութակահար Արա Մալիկյանը, որի վիրտուոզ կատարումներն անտարբեր չեն թողնում ոչ ոքի, «ԹԻ ԷՄ փրոդաքշն»-ի հրավերով համերգային ծրագրով կվերադառնա Երևան...

• Հոլիվուդյան հայտնի դերասան Ջո Մանգանիելոն Հայաստանում է

  NEWS.am STYLE-ի տեղեկություններով՝ հոլիվուդյան հայտնի դերասան Ջո Մանգանիելոն Հայաստանում է…

• Wine Story. Ոչ ալկոհոլային գինիներ՝ այս տարվա թրենդը

  Ոչ ալկոհոլային խմիչքների շուկան վերջին տարիներին արագ աճ է գրանցել, եւ 2024 թվականը խոստանում է շրջադարձային լինել ոչ ալկոհոլային գինիների համար․․․

• Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ

  Հունիսի 7-9-ը Երեւանում կանցկացվի գաստրոնոմիական առաջին խոշոր փառատոնը՝ Yerevan Gastronomic Days-ը…

• «Ինձ համար ամենակարեւորը բարձր մակարդակով Հայաստանը ներկայացնելն է». Անահիտ Հակոբյանը պատրաստվում է «Նոր Ալիք 2024»-ին

  «Նոր Ալիքը» Անահիտ Հակոբյանի համար միշտ «պարտադիր մրցույթներից» է եղել, փոքրուց հետեւել է, բայց կարծում է, որ հենց հիմա է դրան մասնակցելու իր ճիշտ ժամանակը…

• «Խաչմերուկներ» միջազգային փառատոնը հատեց եզրագիծը

  «Խաչմերուկներ․ ժամանակակից երաժշտության օրեր Հայաստանում» միջազգային փառատոնը հատեց եզրագիծը...

• Չեխիայում կանցկացվեն հայ մշակույթի օրեր

  Չեխիայի Հանրապետության Պրահա քաղաքում մայիսին երեք օր կանցկացվեն Հայ մշակույթի օրեր…

Գարնանամուտը հիանալի առիթ է ձեր կանանց սիրտը շահելու, հատկապես մարտի 8-ին սկսված և մինչև ապրիլի 7-ը շարունակվող միամսյակի պայմաններում։ Ավանդական ծաղկեփնջերի կամ շոկոլադե տուփերի փոխարեն, NEWS.am STYLE-ն առաջարկում է հիրավի նրբին և անկրկնելի մի բան: Ինչու՞ չգոհացնել տիկնանց հայկական նրբաճաշակ գինիների ընտրանիով: Հատուկ ձեզ համար մենք պատրաստել ենք մի քանի նրբաճաշակ գինիների ընտրանի, որոնք հիանալի նվեր կլինեն կամ պարզապես կլուսավորեն գարնանային երեկոն:
  
Trinty 6100 Red  

Կարմիր անապակ գինի` պատրաստված տեղական ծագման հայկական Արենի Նուար խաղողից, որը հիանալի կերպով արտացոլում է Վայոց ձորի մարզի տեղանքի եզակի առանձնահատկությունները, որը բնութագրվում է հրաբխային հողով՝ ավազի և մանրախիճի բարձր պարունակությամբ և մայրցամաքային կլիմայով՝ տարեկան 250 արևոտ օրով։ Մինչ շշալցումը, 6 ամիս շարունակ գինին պահվում է կովկասյան կաղնու տակառներում, ինչի շնորհիվ հնեցված Արենին ձեռք է բերում մրգային նրբին բուրմունք՝ հասած կարմիր հատապտուղների նոտաներով, բոված կարամելի նրբերանգների և վանիլինի մեղմիկ շոյանքի համադրությամբ։ Գերակշռում են հասած մոշի և քաղցր համեմունքների համերը, գինու նյութակազմությունը խիտ է և կատարելապես հավասարակշռված՝ թավշյա տանիններով և փայտային հետհամի երկարատևությամբ: Խորհուրդ ենք տալիս վայելել կարմիր հյութալի մսով, ցանկալի է` գառան, մակարոնեղենով` թունդ կամ կծու սոուսի հետ կամ փափուկ պանրի տեսականիով: 

 Arkuri NOA Rose

Նուրբ ծաղկային վարդագույն անապակ գինի` պատրաստված հայկական տեղական Արենի խաղողից, ուղղակիորեն մարմնավորում է ջերմաշունչ, ծաղկուն գարունը: Այս գինու պատրաստման համար հումք ծառայող խաղողն աճում է ծովի մակերևույթից 850-1850 մետր բարձրության վրա, իսկ վազերի միջին տարիքը 17-20 տարի է։ Գինու թարմ, հավասարակշռված անուշաբույրը ելակի, ազնվամորու, կեռասի և վայրի ծաղիկների նրբերանգների համադրություն է: Մրգերի և հատապտուղների համային նրբերանգներով գինի է՝ մեղմ թթվայնությամբ և կայուն հետհամային ներգործությամբ: Հիանալի համադրվում է ձկնեղենի, դյուրամարս աղցանների և ծովամթերքների հետ։

Hogi White 

Hogi-ն հայերենից թարգմանաբար հոգի է նշանակում, և այս գինու համը կարելի է նույնացնել վառ ու ռոմանտիկ կնոջ հոգու մարմնավորման հետ։ Պատրաստված է հայկական Ոսկեհատ սորտից՝ գունատ կիտրոնագույն է, սիդրի համերանգով, տանձի և հնձած թարմ խոտի բույրով։ Մրգի կորիզի թեթևակի դառնություն ունի, հետհամի զգացողությունը կարճատև է, բայց մեկ կումն անգամ գարնանային կայտառություն է պարգևում: Խորհուրդ ենք տալիս այս գինին ըմպել ռոլերի և սուշիի, խորոված ձկան կամ պյուրե ապուր ընկերակցությամբ:

Keush Extra Brut Rose

Նրբաճաշակ վարդագույն փրփրուն գինի` պատրաստված հայկական տեղական Արենի խաղողից՝ ավանդական մեթոդով, շշերի մեջ երկրորդային խմորմամբ և նստվածքի վրա առնվազն 24 ամիս պահմամբ: Ընկույզն այս համադրության մեջ դյութիչ բույր ունի` փափուկ սերուցքայնության ու նոր թխած բրիոշի համի զուգակցությամբ, ոչ թե գինի, այլ թխվածք : Պղպջակներն այնքան բուռն են և միաժամանակ` այնքան սահուն, որ թվում է` բերանիդ մեջ կակուղ խյուս է, հետհամը երկարատև է ու հաստատուն՝ հատապտղային դառնությամբ։ Եթե նախընտրել եք թեթև ընթրիքը` սառը նախուտեստներով, ոստրեներով կամ քաղցր աղանդերով, ապա Keush-ն այդ երեկոյի ձեր անփոխարինելի ուղեկիցը կդառնա:

Ariats Kakhani Sweet Red Reserve

Քաղցրավենիքի սիրահարներն անկասկած կգնահատեն այս գինին, քանի որ սա իսկևիսկ քաղցր նեկտար է` պատրաստված հին հայկական «Կախանի» տեխնոլոգիայով՝ Արենիի և տեղական այլ կարմիր սորտերից: Հզոր և բազմաշերտ՝ սալորաչրի, բալի, հատապտղային ջեմի և թունդ համեմունքների խառնուրդով հագեցած։ Բոված սուրճի հատիկների, վանիլինի ու նուշի նրբին համաբույլն առանձնահատուկ հմայք է հաղորդում առանց դրա էլ այս վառվռուն փնջին։ Համը քաղցրության և թթվայնության կատարյալ հավասարակշռության միաձուլում է, իսկ փափուկ տանինները պահպանում են երկարատև հետհամը՝ շոկոլադի և վանիլային նրբերանգներ մատուցելով յուրաքանչյուր կումի հետ: Խորհուրդ ենք տալիս այս գինին համադրել սերուցքային աղանդերի, մուգ շոկոլադի, փափուկ պանրատեսակների հետ կամ ըմբոշխնել որպես մարսողության միջոց, այսպես ասած` որպես աղանդեր:

Լիանա Աղաջանյան

Հետևեք NEWS.am STYLE-ին Facebook-ում, Twitter-ում և Instagram-ում