• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Օրեր առաջ System Of A Down ռոք խմբի կիթառահար եւ բեք-վոկալիաստ Դարոն Մալաքյանը թողարկեց իր նոր՝ Lives տեսահոլովակը, որը նվիրված է Հայոց Ցեղասպանության անմեղ զոհերի հիշատակին: Տեսահոլովակում իր մասնակցությունն է ունեցել նաեւ ԱՄՆ-ում հայտնի հայ դերասան եւ պարող Դավիթ Սարգսյանը, որի մասին NEWS.am STYLE-ն արդեն պատմել է: Այս անգամ երիտասարդ դերասանի հետ զրուցել ենք աշխարհրահռչակ երաժիշտի հետ համագործակցության եւ ԱՄՆ-ում կազմակերպված բողոքի ակցիաների մասին, որոնք արվում են ի աջակցություն Հայաստանում սկսված շարժմանը:

«Նկարահանումներին մասնակցելու հրավեր ստացել եմ ԱՄՆ-ում բնակվող հայազգի ռեժիսոր Հայկ Մաթեւոսյանից, որը տեղեկացրեց, որ նորովի ու յուրահատուկ ձեւով են այս տեսահոլովակով անդրադառնալու Հայոց Ցեղասպանությանը: Հայկ Մաթեւոսյանի հետ արդեն առիթ ունեցել էի աշխատելու մեկ այլ տեսահոլովակի նկարահանման շուրջ: Իմանալով նրա յուրօրինակ ոճը՝ չէի կարող չհամաձայնվել, հատկապես, երբ խոսքը մեզ համար այդքան կարեւոր թեմայի մասին է»,-նշեց Դավիթը:

Տեսահոլովակի հիմնական պարողներից էին նաեւ դերասաանի եղբայրը՝ Գոռը, հորեղբոր տղաները՝ Էդուարդն ու Տիգրանը, նաեւ Էդուարդի կինը՝ Ինգան:

«Մենք ներկայացնում էինք LA Imperial պարային ստուդիան, որը հիմնադրել է հենց Էդուարդ Սարգսյանը: Սա եղբայրներով միասին ներկայանալու առաջին դեպքը չէր: Միշտ հետաքրքիր է լինում եղբայրներով միասին աշխատելը»,-ասում է դերասանը, որը պարով սկսել է զբաղվել դեռ մանկուց.

«Մինչ ԱՄՆ տեղափոխվելը 2004-11 թ-երին ուսանել եմ Երեւանի Պարարվեստի պետական քոլեջի բալետի բաժնում։ ԱՄՆ տեղափոխվելուց հետո սկսեցի ուսումնասիրել նոր պարային ոճեր՝ մոդերն, հիփ-հոփ եւ լատինական պարեր։ Ի դեպ, ունեմ American Rhythm եւ Smooth պարաոճերի պարուսույցի որակավորում, ինչպես նաեւ այս տարի կստանամ խորեոգրաֆի եւ այլ պարաոճերի պարուսույցի որակավորումներ»։

Ինչ վերաբերում է Դարոնի հետ ծանոթությանը՝ այն կայացել է հենց նկարահանման հրապարակում.

«Սա առաջին համագործակցությունն էր միասին, սակայն հետագայում կարող են նոր համատեղ աշխատանքներ լինեն:

Դարոնի հետ աշխատելը շատ հաճելի էր, ու, չնայած շատ շփվելու հնարավորություն չունեինք ծանրաբեռնված նկարահանումների պատճառով, այնուամենայնիվ նա շատ համեստ անձնավորության տպավորություն թողեց ինձ վրա, ինչով, իհարկե, շատ է տարբերվում իր բեմական կերպարից»:

Դավիթը ներկայացրեց նաեւ նկարահանման պրոցեսից որոշ մանրամասներ.

«Նկարահանումները տեւեցին 2 ամբողջ օր: Ի դեպ, նկարահանումների համար մեզ էին միացել նաեւ ԱՄՆ-ում գտնվող 4 այլ պարային խմբեր` «Բարեկամություն» միջազգային պարային ստուդիան, «Զվարթնոց» պարային անսամբլը, «Հայաստան» մշակութային կենտրոնը եւ «Կռունկ» պարային ստուդիան: Առաջին օրը բացօթյա նկարահանում էր՝ Լոս Անջելեսից բավականին հեռու լեռնային վայրում: Երկրորդ օրն արդեն մեր պարային ստուդիայում էր՝ LA Imperial Dance-ում, որն անճանաչելիորեն փոխակերպել էին՝ ամբողջովին պատելով գորգերով: Դրանք անմոռանալի ու հագեցած օրեր էին»:

Ինչ վերաբերում է արտերկրում ճանաչված մեր հայիրենակիցների հետ հետագա համագործակցություններին՝ դերասանը նշում է.

«Այս պահին դեռ չկան նոր առաջարկներ, սակայն այդ ուղղությամբ աշխատանքներ տարվում են եւ վստահ եմ, որ շատ շուտով կներկայանամ նոր նախագծերում»։

Չնայած հայրենիքից հեռու լինելուն՝ դերասանն ակտիվորեն հետեւում է հայաստանյան իրադարձություններին եւ ԱՄՆ-ում գտնվող մեր մյուս հայրենակիցների հետ աջակցում Հայաստանի խաղաղ ցուցարարներին.

«ԱՄՆ-ում բոլոր հայերը միացել են ժողովրդական շարժմանը եւ այս շարժումը միավորել է ոչ միայն Հայաստանում բնակվող հայերին, այլեւ սփյուռքում գտնվողներին: Ցույցերը բազմահազարավոր են եւ ներգրավել են ամբողջ ԱՄՆ-ն: Լոս Անջելեսի փողոցներում հայկական դրոշերով ազդանշան տվող մեքենաները հազարավոր են: Այս շարժումը հույս է տվել միլիոնավոր հայերի, որ կարող են վերադառնալ հայրենիք եւ ունենալ ազատ, անկախ եւ օրինական երկիր: ԱՄՆ-ում բնակվող հայերը Հայաստանի հետ են մինչեւ վերջ»,-ասաց նա:

Սյունե Առաքելյան

Լուսանկարները՝ Դավիթ Սարգսյանի անձնական արխիվից

Հետևեք NEWS.am STYLE-ին Facebook-ում, Twitter-ում և Instagram-ում