Այդ սարսափելի բառը՝ ցելյուլիտ: Աղջիկնե՛ր, խուճապի մի մատնվեք: Դրանից կարելի է ազատվել: Եթե դուք ծույլ եք, ապա առաջին հերթին ձեզ շատ փող է հարկավոր: Իսկ եթե ծույլ չեք եւ «ժամանակ չունեմ» արտահայտությունը ձեզ համար չէ, ապա խնայեք ձեր միջոցները. ցելյուլիտի դեմ արդյունավետ պայքարի համար, առաջին հերթին, անհրաժեշտ է ճիշտ սնվել ու մարզվել:
Իհարկե, կոսմետիկ միջոցներն ու գործողություններն այս հարցում նույնպես կարեւոր են: Եվ այսպես, մեկ ամսվա ընթացքում ցելյուլիտից ազատվելու ծրագիր:
Ցելյուլիտը ենթամաշկային ճարպային շերտի կառուցվածքային փոփոխություն է, որը մաշկի արտաքին տեսքին նարնջի կեղեւի տեսք է հաղորդում: Ցելյուլիտ հիմնականում լինում է փորի, հետույքի եւ ոտքերի հատվածում:
Ցելյուլիտի առաջացման պատճառները կարող են տարբեր լինել.
- հորմոնալ անհավասարակշռություն (էնդոկրին հիվանդություններ, վահանաձեւ գեղձի հիվանդություն եւ այլն);
- նյութափոխանակության առանձնահատկություն;
- սպիտակուցային փոխանակության խանգարում օրգանիզմում;
- սխալ սննդակարգ, սթրես, անքնություն, խրոնիկ հոգնածություն;
- շրջակա միջավայր;
- վնասակար սովորույթներ (ծխել եւ խմել):
Ցելյուլիտի դեմ պայքարի ծրագիրը պետք է հետեւյալ կետերից բաղկացած լինի.
Օրգանիզմի դետոքս
Ցելյուլիտը տեսողականորեն նվազեցնելու համար անհրաժեշտ է սկսել օրգանիզմը մաքրել: Դիետոլոգների կողմից բազմաթիվ դետոքս-դիետաներ կան, որոնք նպաստում են օրգանիզմից խարաններն ու տոքսինները հեռացնելուն: Այս սննդակարգի հիմքում մեծ քանակությամբ ջուր խմելն է (նվազագույնը 2 լիտր), թարմ մրգեր ու բանջարեղեն օգտագործելը: Բացի այդ, ձեզ կարող են օգնել տարբեր թեյերն ու բուսական ըմպելիքները:
Լուսանկարում. մրգային բուսական թեյ Caudalie, բուսական թուրմ Thalgo Ocean draine Thalgo-ից, Comforting Tea օրգանական թեյ Aveda-ից, Yogi Skin Detox թեյ, Lov is Good Tea թեյ Lov Organic-ից:
Սպորտ
Սպորտը ցելյուլիտի դեմ պայքարում կարեւոր դեր ունի: Ֆիզիկական ծանրաբեռնվածությունը կարգավորում է արյան շրջանառությունն ու թթվածնի հոսքը դեպի հյուսվածքներ: Կարելի է ցանկացած մարզաձեւ ընտրել, բայց առավել օգտակար են վազքը, հեծանվավազքը, լողը, ինչպես նաեւ մարզասրահ այցելելը: Կանոնավորությունը պարտադիր է: Մեկ ամսվա ընթացքում զգալի արդյունքների հասնելու համար, անհրաժեշտ է շաբաթական 4-5 անգամ մեկ ժամ տեւողությամբ մարզվել:
Մարմնի տնային խնամք
Բացի սննդակարգից ու մարզվելուց, մաշկի վիճակը բարելավելու համար կարեւոր են նաեւ կոսմետիկ գործողությունները: Ամենապարզը, որ կարելի է տնային պայմաններում անել, չոր մաշկի ինքնամերսումն է, այնուհետեւ՝ կոնտրաստային ցնցուղը: Այս պարզ միջոցները կարգավորում են արյան շրջանառությունն ու օրգանիզմ մաքրող գործընթացներ սկսում:
Բացի այդ, ավելորդ չի լինի տնային փաթաթումներ անել: Այսպիսի գործողությունները մեկ ամսվա համար են: Նրանք կարգավորում են արյան միկրոշրջանառությունը, ինչն էլ նպաստում է ճարպերի քայքայմանը, թունավոր նյութերի հեռացմանն ու առաձգականության վերականգնմանը: Գործածման եղանակը բարդ չէ: Թերապեւտիկ ցեխը քսեք մարմնի խնդրահարույց հատվածներին, մեծ արդյունք ստանալու համար փաթաթեք այդ հատվածները պոլիէթիլենով եւ պահեք 20 րոպե, հետո լվացեք եւ խոնավեցնող կրեմ քսեք:
Լուսանկարում. հակացելյուլիտային դիմակ ծովային ջրիմուռով GUAM-ից, ցեխային ջերմադիմակ խնդրահարույց հատվածների համար Floresan-ից, Sauna&Spa մարմնի ջերմադիմակ Natura Siberica-ից, մարմնի համար ցեխային երիտասարդացնող դիմակ Planeta Organica-ից, ջրահեռացման արդյունքով համեմունքներով ջերմադիմակ՝ Novosvit-ից:
Սրահներում կատարվող հակացելյուլիտային գործողություններ
Գեղեցկության սրահները ցելյուլիտից ազատվելու համար բազմաթիվ միջոցներ են առաջարկում: Սակայն լավ կլինի սկսել լիմֆոդրենաժային մերսումից: Այն օգնում է մաքրել օրգանիզմն ու կարգավորել ավշային հանգույցները: Իսկ այդ, իր հերթին, բարձրացնում է հակացելյուլիտային հետագա գործողությունների արդյունավետությունը:
Բացի այդ, գեղեցկության սրահների ծառայությունների ցանկում կան նաեւ հակացելյուլիտային մի շարք ծրագրեր:
Ձեռքով հակացելյուլիտային մերսում
Հակացելյուլիտային ամենաարդյունավետ մերսումներից է համարվում ձեռքերով մերսումը: Գործողության արդյունքում ճարպային հյուսվածքների քանակը նվազում է, այսպիսի մերսումն ազդրերի ու հետույքի մկաններն ավելի առաձգական է դարձնում: Հակացելյուլիտային մերսումը կարելի է համատեղել այլ գործողությունների հետ, օրինակ՝ տալասաթերապիայի:
Տալասաթերապիա
Ըստ էության, սա նույն փաթաթումն է, միայն մասնագիտացված միջոցների օգտագործմամբ, որոնք առանձնանում են ակտիվ նյութերի ավելի բարձր կոնցենտրացիայով: Ամենաարդյունավետ փաթաթումը ծովային ջրիմուռների հիմքովն է: Այն նպաստում է օրգանիզմի մաքրմանն ու նվազեցնում ցելյուլիտի առաջացումը:
LPG
Այս գործողության ընթացքում խնդրահարույց հատվածները մերսվում են հատուկ սարքի միջոցով, առանձնահատուկ կոստյումի միջամտությամբ, որոնք անհրաժեշտ է առանձին ձեռք բերել: Գործողության ընթացքում մաշկի հյուսվածքներում սկսվում է կոլագեն արտադրվել, բարելավվում են մաշկը ու ենթամաշկի ճարպային հյուսվածքները: Արդյունքում, մաշկի որակը զգալիորեն բարելավվում է: Մարմինը հարթ է դառնում, առաձգական եւ ավելի ձգված:
Ճնշման թերապիա
Այս գործողության ընթացքում հաճախորդը հատուկ կոստյում է հագնում, որը սարքի օգնությամբ օդով է լցվում: Մեկ գործողության ընթացքում ճնշումը մի քանի անգամ երբեմն թուլանում է, երբեմն՝ ուժեղանում: Երբ ճնշումը թուլանում է, անոթների լայնացում է տեղի ունենում, արագանում է արյան շրջանառությունը մաշկի, ենթամաշկի հյուսվածքների եւ մկանների մեջ: Արդյունքում ակտիվանում է անոթային եւ ավշային համակարգի աշխատանքը, ցելյուլիտի հավանականությունը նվազում է եւ մաշկն ավելի հարթ ու առաձգական է դառնում:
Աղբյուրը՝ hochu.ua
Հետևեք NEWS.am STYLE-ին Facebook-ում, Twitter-ում և Instagram-ում
12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում